Vote chhiar turin inbuatsaih

Lok Sabha inthlanpui neiha Champhai District chhunga Vote tla te chhiar turin inbuatsaihna kalpui mek a ni a, Vote chhiar tura ruat Counting Supervisor leh Counting Assistant te pualin nimin khan Training neih a ni bawk.
Champhai District chhunga Assembly Constituency 5 awm ah Polling Station 137 awmin Assembly bial hrang hranga Vote tla te hi hmun hrang \heuh ah chhiar a ni dawn a, EVM vote tlate chhiarna tur hian Dawhkan 25 ruahman niin Champhai District-a vote chhiar ni a duty tur hian Counting Micro Observer, Counting Supervisor leh Counting Assistant a tan mi 30 \heuh ruat an ni.
S Nimin vek khan Aizawl-a Model Counting Hall, Assembly Annexe, Aizawl ah Counting Returning Officer, Asst. Returning Officer leh Official dangte tan EVM leh VVPAT-a Vote tla te chhiar dan zirhona neih a ni a. Ramchhung hmundang te rualin Mizoram-ah pawh Lok Sabha inthlana vote tla te hi May ni 23, 2019 zing dar 8:00 a\angin Counting Hall-ah  chhiar a ni ang.
S Lawngtlai-ah pawh nimin khan Lok Sabha Inthlanpui vote chhiar tura Media-te mawhphurhna inhrilhhriatna hun buatsaih a ni a, Vote chhiar Ni hian Control Room-cum-Media Centre siam a nih tur thu leh inthlan result chhiar chungchanga an hriat duhte an zawh theihna tur telephone dah a nih tur thu te pawh tarlan a ni bawk.

Comments

Popular posts from this blog

PAN CARD an tih teh fo hi - Laldinpuia