Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

MDC thlan hun tur puang

Lai Autonomous District Council (LADC) huamchhunga 5-Lungtian MDC Constitutency leh Chakma Autonomous District Council (CA-DC) huamchhunga 9-Ugudasury (S) MDC Constituency a District Council Member thlanna neih tur atan nimin khan State Election Commission chuan hriattirna tichhuakin inthlanna chuh tumte tan hian tun thla ni 30 thleng hming pekluhna hun hawn nghal a ni a. Hming pelut te tan May 31 thleng inhnuhdawhna hun hawn leh a ni anga, June 6-ah mipui ten Vote an thlak dawn a ni.
He inthlanna a Vote tla te hi June 8-ah chhiar tura ruahman niin inthlan puan a nih rual hian Model Code of Conduct hman nghal a ni. Lungtian bial hi bialtu MDC chu MLA ah thlantlin a nih avangin inthlanna hi neih a ngai a, Ugudasury South hi MDC \anglai a boral avangin inthlanna neih a ngai bawk a ni.

Comments

Popular News (Last 30 Days)