Assembly House pass tawh Bill pakhat la pawm ve lo

Mizoram Legislative Assembly 8-na \hut-khawm vawi 2-nâ kumin March thla a neih a Bill pass 14 te Larsap pawmpui tura thawn anih hnuah Larsap hian Bill 13 a pawmpui laiin Bill pakhat erawh ala pawmpui lo.

Mizoram Legislative Assembly 8-na \hutkhawm vawi 2-na kumin March thla a neih ah khan House-ah Member ten Bill 14 pass-in heng te hi Larsap pawmpui tura thawn a ni a, heng zinga 13 te chu Larsap hian pawmpui tawhin Bill pakhat erawh ala pawm-pui lo thung a. Larsap in Bill pakhat ala pawmpui loh hi General Administration Department a\anga Bill lut, The Mizoram Maintenance of Household Registers Bill, 2019 a ni a. He Bill hi Assembly House-ah GAD changtu, Chief Minister Zoramthanga’n a pulut a, member ten lung-rual takin an pawm a ni.

GAD hotute chuan Mizoram sawrkar in he Bill Dan-a siam a tum chhan zingah ramri hrula awm Mizoram State venhimna tur pakhat a nih thu an sawi a, In tin-a mi chengte chhinchhiah in, India khúa leh tui nilo zawn chhuahna tur pakhat a ni dâwn a. Mizoram hi Bangladesh leh Myanmar te nen inri kan nih avangin ramri hrul a dan leh thupek kenkawh a awlsam zawk nan he Dan hi siam tum anih thu an sawi a. Hei bakah hian sawrkar laipui a\anga ham\hatna hrang hrang te a ram leilung fa te ngeiin dik taka an dâwn theihnan he dan hi siam a ngai niin an sawi bawk a, Supreme Court pawhin hemi chungchang ah hian thuchhuah alo siam tawh thu an sawi. 

Hetihlai hian Larsap chuan he Bill hi State a dan hre mite rawn in a zirchiang mêk tih GAD hnenah hian ziak in a hriattir tawh a, he Bill a lang, India Citizen leh Non-Citizen thliar hran chungchang leh thildang chu uluk taka zir a endik mêk anih thu tarlan a ni. Mizoram sawrkar chuan he Bill in a tum ber, dan leh thupek, Public Order kaihhnawih chungchang anih angin state sawrkar thuneihna ah an ngai thung a ni.