Transport Minister, TJ. Lalnuntluanga hovin niminpiah khan Tlabung-a Kawrpuichhuah leh Kolkata inkar Lawng hmanga Mizoram ei leh bar leh bungrua mamawh chawkluhna tur ruahmanna siam turin a hmunah sawrkar mi pawimawh ten an enfiah.
Kawrpuichhuah a tlawhna ah hian Transport Minister chuan Tlabung Kawrpuichhuah leh Kolkata inkara Lawng hmanga insumdawn tawnna chu Chief Minister, Zoramthanga pawhin a vei em em tih a sawi a. “Kan Sawrkar hian inkalpawhna kawng bakah Water Way (Lui, kalkawnga hman) hi a ngaih pawimawh em em a ni a, MNF-in a Manifesto zingah pawh a telh a ni. A ram neitu, 'Pathian leh kan ram tan' titu 'MNF'-te chuan Pathian zarah sawrkarna kan chang a. Kan Sawrkar hian Bangladesh leh West Bengal sawrkar nena inzarzawm hi kan tum lian berte zinga mi a ni,” a ti.
Inland Water Transport System changtlung zawk chu MNF chuan an tuipui em em tih pawh sawiin, “Mizoram in kan eibar chawkluhna ber, Hmarlam-a kan State \henawm nen engemaw changa harsatna kan tawh fo \hin hi pumpelh a nih theih nan chhimlam kawtchhuah leh khawchhak lamah \henawm ramte nen inlaichinna \ha zawk kan neih hi a pawimawh hle a ni,” a ti a. Hemi atan hian Mizoram chhimlama Lui lian kan neihte chu hmangg tangkaiin Bay of Bengal kaltlanga 'Kolkata Sea Port' a\anga kan chakkhai te awlsam leh man tlawm zawka kan lakluh theih hu a \ul tak meuh tih a sawi a. Chumi ti tur chuan Inland Water Transport System changtlung zawk Mizoram in kan neih ve chu a \ul thu sawiin, “Vawiin ah hian hemi tihhlawhtlin a nih theihna turin a hmun ngeia kalin kan hotute nen helai hmun hi kan tlawh a ni. Mipui tan thil chhinchhiah tlak leh innghahna tlak 'assets' siam hi Pu Zoramthanga kaihhruai sawrkar chuan a tum ber a ni a. Chu chu tihmakmawhah kan neih tlat avangin Central sawrkar leh Bangladesh sawrkar-ah pawh theihtawpin hma kan la dawn a ni,” a ti bawk.
Comments
Post a Comment