Zirlai ti\hate Chief Minister's Award hlan an ni

Mizoram Board of School Education (MBSE) in kumin a pawl 10, High School Leaving Certificate (HSLC) leh pawl 12, Higher Secondary School Leaving Certificate (HSSLC) Exam a buatsaiha ti\ha zual mi panga (5) te hnenah nimin khan Chief Minister's Award hlan an ni.

Nimin a Aizawl Vanapa Hall-a Chief Minister's Award hlanna hun khuallian nia hmanpuitu Chief Minister, Zoramthanga chuan HSLC leh HSSLC-a Toppers te chu a lawmpui thu sawiin, an kalzelna turah pawh taimakna thlah lova midang tana entawntlak ni \hin turin a chah a. Tumruhna tello chuan a hlawhtlin theihloh tih sawiin, Pathian in mihring-ah thiamna leh theihna a dah vek a, hman \angkai thiam erawh mihring duh thu a nih avangin keimahni tumruhna hi a pawimawh tak zet a ni, a ti a. Talent chu hman a nih loh chuan a chul chak thu leh hman tam chuan a hriam telh telh thung thu sawiin, zirlai kalkhawmte chu an zirna ah leh kawng dangah an thiam thilte hmang \angkai turin a chah a. Thunlai thiamna in khawvel chu a sawr zim tawh em avangin |awng thiam tam a pawimawh zual thu pawh sawiin, zirlaite chu |awng thiam mai bakah |awng dan dik zir tel turin a chah a. Mitin hi an hun neih \heuh hlawk taka hmang thiam apiang mi vannei an nih \hin thu sawiin, he huna kalkhawm zilaite chu an hmabak engkimah theihtawp chhuah \hin tur leh chutih rual chuan taksa hriselna ngaipawimawh tel turin a chah bawk.

He hun hi School Education Minister, Lalchhandama Ralte pawhin khual zahawm nia hmanpuiin zirlai hlawhtling te a lawmpui thu leh chawimawi phu te chawimawi \hin chu a hlut thu a sawi a. Ramin zirna lama hma a pan zel loh chuan ram pum leh hnam pum a tlukchhiat a hlauhawm thu sawiin, sawrkar in zirlaite tana ham\hatna hrang hrang a siam thu a sawi a, Sawrkarin India rampum huap Competitive Exam a inziak tlingte tan pawh Mizoram Youth Commission (MYC) kaltlangin Incentive a siam thu leh UPSC Main inziaktling tan Cash Award cheng nuai 2 leh Prelim-a inziak tling tan cheng nuai 1 dah a nih thu bakah SSC leh exam dang tan pawh dah a nih thu zirlaite chu a hrilh a. Ramin zirna lama hma a pan zel loh chuan rampum leh hnam pum a tlukchhiat a hlauhawm thu a sawi bawk.

Chief Minister's Award hian Citation leh pawisafai Rs. 50,000/- \heuh a keng tel a. Award dawngtute hi HSLC Topper Lalrinnungi, St. Joseph HSS, Aizawl; HSSLC Arts-a Topper, C. Lalvenhimi, Rev. Saiaithanga Memorial School, Aizawl; HSSLC Science-a Topper pahnih - Akash Jyoti Sahoo leh Lalrintluanga Tlau, St. Paul's HSS, Aizawl a mi ve ve leh HSSLC Commerce-a Topper C. Lalnunhlimi, Oikos HSS, Aizawl te an ni.