Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Lirthei intlanchhawk dan thar hmang dawn

Mizoram sawrkar chuan thla thar, June 1 a\angin Aizawl khawpui ah lirthei intlanchhawk dan thar a hmang dawn a, mipuite chu thawhpui atan an sawm bawk.
Nimin khan Aizawl SP Conference Hall-ah IGP, John Neihlaia chuan hemi chungchang ah hian thuthar lakhawmtute kawmna neiin June 1 a\anga thlakhat chhung lirthei intlanchhawk kalpui chhin tur hian Minister pawh a huam vek thu sawiin, sawrkar motor leh mimal motor te leh Two-Wheelers phalna pek bik tihloh chu a huam dawn a, lirthei a vaia tlan ni tur chu Inrinni leh Pathianni bakah sawrkar Pisa chawlh ni te a nih tur thu a sawi a, Taxi-te chu an intlanchhawk ang pangngaiin an tlan tur thu leh lirthei intlanchhawk dan tur chu lirthei number tawp ber a zira kalpui a nih tur thu a sawi a. Thawh\anni-ah lirthei number tawpa 1 leh 2 awm te an ding anga. Thawhlehni-ah 3 leh 4; Nilaini-ah 5 leh 6; Ningani-ah 7 leh 8 leh Zirtawpni-ah 9 leh 0-a tawpte an ding anga. Lirthei te hi an tlanchhuah loh ni-ah chuan zing dar 9:00 a\anga tlai dar 5:30 chhung tlanchhuah khap niin tuna intlanchhawk mekah hian thla khatah vawithum an din laiin tuna enchhin thar turah lirthei pakhat hi thla khatah vawi 4 a ding tawh dawn a ni.
IGP chuan Aizawl District-ah kumin May 10 thleng khan lirthei 1,70,123 awmin 70% (1,19,086) chu Aizawl khawpuia awm anga chhut a ni tih a sawi a. Lirthei tlanloh ni hman meka ding zat 11,909 anga chhut a nih thu leh June 1, 2019 a\anga lirthei tlanchhuah dan thar hman a nih hunah nitin lirthei 23,818 ding tura chhut a nih thu a sawi bawk.

Comments

Post a Comment

Popular News (Last 30 Days)