Bawng leh Kel vulhtu ten Thenzawl-a Kel vulhna tlawh

ATMA Serchhip Block chuan nimin khan Serchhip AH&Vety Department hnuaia Kel  leh Bawng vulhtute tan Thenzawl-a AH&Vety Farm-ah Exposure Visit an buatsaih.
Agriculture Technology Management Agency (ATMA) Serchhip District hian tunhnaiah Serchhip District-a Kel vulhtute tana Kel vulh dan zirhona an buatsaih hnuah nimin khan Thenzawl-a AH & Vety Farm-ah Exposure Tour hi buatsaihin Kel zir dan zirhona hi neih chhunzawm leh a ni a, he hunah hian Mizoram sawrkar hmalakna a Thenzawl-a Kel lian chi vulhna chu tlawhin sawrkar hmalakna te an en a ni.
He hunah hian SR. Vanlalringa, Livestock Superintendent (Rtd) chuan helai hmuna Kel an vulh dan sawiin, thla thum (3) pawh la tling mumallo ah khan Gujarat a\angin Kel lian chi an lak thu leh heng te hi a rai lai te an nih avanga note an neih ve zel avangin tunah hian Kel 100 chuang a awm thu a sawi a, heng an Kel lak te hi a lian chi a nih bakah a Hnute pawh sawr chi a nih thu sawiin, a len avangin talh tur atan pawh a hlawk thu leh Kel pakhat hi Kg. 50-60 lai pawh a nih theih thu a sawi a. Tuna sawrkar in heng Kel a lak te hi vulh pun phawt tura tih a nih thu sawiin, nakin ah chuan mimal a Kel vulhtute hnenah pawh la semchhuah tura ruahmanna a awm thu a sawi a. Heng Kel te hi State pawn a\anga lak ni mah se Mizoram sik leh sa nen pawh inmil tura an ngaih thu sawiin, an lak tirh aiin an sa pawh a \hat tawh thu leh Mizoram tana an lak hnuah pawh thi an la awm loh thu a sawi bawk.
Nimin a Thenzawl-a Exposure Tour ATMA in an buatsaih ah hian Kel vulhtu mi 18 bakah Bawng vulhtu mi 4 leh AH&Vety Department-a thawk mi 3, an vaiin mi 25 an kal a, ATMA Serchhip District a\angin Lalhmingliani, ATM leh Lalnithanga, ATM ten kaihruaiin Ran chaw sawngbawlna hmun te pawh an tlawh nghal bawk a ni.

Comments

Popular posts from this blog

PAN CARD an tih teh fo hi - Laldinpuia