Dan bawhchhia 13 man tawh

Serchhip-a Road Safety Week hman mek pualin Serchhip-a Traffic Police leh Motor Vehicle Inspector (MVI) te chuan lirthei enfiah beihpui an thlak mek.
Tunkar Thawh\anni a\anga ram-puma ‘Road Safety Week’ hman mek pual hian Serchhipa Traffic Police leh MVI te hian niminpiah a\ang khan Serchhip khawpui chhunga lirthei veivak enfiah hna an thawk mek a, niminpiah lamah Serchhip Kikawn-ah lirthei tlan te enfiah a nih hnuah nimin khan Serchhip Bazar leh IOC Veng-ah lirthei enfiah hna hi an thawk leh a, ni hnih (2) chhung hian dan bawhchhia mi 13 man ni tawhin heng mite pawisa chawi tlingkhawm chu Rs. 11,900/- a tling tawh bawk.
Serchhip-a MVI te chuan lirthei an man zingah hian Two Wheeler a tam ber tih an sawi a, Two Wheeler-ah pawh hian Document fello leh License neilo a lirthei khalh an tam thu an sawi a, License neilo zingah pawh hian kum tlinglo-a lirthei khalh an awm thu leh heng te hi a lirthei khalhtu bakah a khalh tirtu pawh man theih an nih thu sawiin, kum tlinglo chu lirthei khalh tir lo turin an chah a. Document fello zingah hian Insurance thi tawh an tam thu an sawi bawk.
Road Safety Week hman mek pual hian Vawiin hian lirthei khalhtute tana Dan inzirtirna chu neih \an a ni dawn a, mihring phur chi lirthei chi hrang hrang tan training hi neih a ni ang.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia