Edu-Option vawi 17-na neih \an a ni ta

Edu-Options vawi 17-na chu nimin khan Aizawl-a Dawrpui Multipurpose Centre-ah neih \an a ni a, I&PR Director, David L. Thangliana chuan Edu-Options hi a hawng a ni.
Nimin-a Edu-Options hawnna hunah hian I&PR Director chuan mi \hahnemngai ten kawtkai-a zirna sang zawk pan theihna kawng an hawng chu lawmawm a tih thu sawiin, “Zirlaite zingah mahni tuina leh an kalna tur line hre lova kal mai mai an tam hle a, Edu-Options a\ang hian inzirin an kalna tur te thlang thiam se. Nu leh pate pawhin tlawhin an fate tana \ha tur zir thei se kan duh hle a ni,” a ti a. Edu-Options chu zirlai bakah nu leh pa ten tlawh tam lehzual thei se a duh tih a sawi bawk.
He Inkhawm kaihruaitu leh Edu-Options buatsaihtu Zalen Editor, Vanlalrema Vantawl pawhin Edu-Options hi kum tam tak zirlaite tan hmanraw \angkai a ni tawh \hin tih sawiin, Edu-Options kaltlang hian \halai ten zirna \ha zawk an neih theih bakah hna \ha tak tak pawh tam takin an hmuh phah tih an hriat thu leh lawmawm an tih thu a sawi a, kumin pawh hian zirlai leh nu leh pa ten chhawr \angkai sela an duh thu a sawi bawk.
Edu-Options in a tum ber chu zirlai leh zirna In a thawkte ‘middle man’ awm miah lo a hmaichhana indawr tira zirlaiten an hma hun atana zawhna an duh tawk zawh theihna hun siamsak a ni a. Kumin hian India state hrang hrang a\angin College leh Universities 22 bakah Mizoram a\angin 2 an tel a ni. Edu-Options hi May ni 14 leh 15, 2019 chhung hian Dawrpui Multipurpose Centre-ah neih a ni dawn a, zirlai, nu leh pa bakah a duh apiang tan zing dar 11:00 a\anga tlai dar 5:00 inkarah tlawh theih a ni a. Zirlaite tan Help Desk siam a ni a, kumin hian Post Graduate course nei zirna In an rawn tel nual a, zirlaite tana \angkai tur Scientific Method hmanga Student's Profiling siam thei Mindgroom an awm bakah a hmunah Expresswifi hmangin Free Wifi pek a ni bawk.

Comments

Popular posts from this blog

PAN CARD an tih teh fo hi - Laldinpuia