Fostering Climate Resilient Upland Farming System chungchang zirhona hun Serchhip-ah hman a ni

Nimin khan FOCUS- District Management Unit Serchhip District buatsaihin Serchhip DC’s Conference Hall-ah District Level Consultation Meeting neih a ni a, he hun hi Serchhip District Bawrsap leh FOCUS- District Management Unit-a Chairman ni bawk, Sangchhin Chinzah chuan khuallian niin a hmanpui a ni.

FOCUS- District Management Unit, Serchhip District buatsaih District Level Consultation Meeting-ah hian District Bawrhsap, Sangchhin Chinzah chuan Serchhip District-a FOCUS kalpui tur chu lawmawm a tih thu sawiin, he Programme-ah hian politics a telloh thu leh loneitu ni tawh phawt chuan ham\hatna an dawn theih dawn thu a sawi a. Sawrkarin scheme \ha tak a buatsaih \hin chu lawmawm a tih thu sawiin, amaherawh chu Scheme hrang hrang \ha tak tak siam \hin ni mahse a hlawhtlinna tur chuan a dawngtu an pawimawh ber thu leh ruahmanna \ha tak tak dawngtute chu kan rinawm phawt a \ul thu a sawi a. Loneitute pawhin kan hmalakna ah tih tak takna nen kan tih loh chuan kan hlawhtlin pui loh mai a hlauhthawn thu sawiin, sawrkar in ruahmanna a siam te a dawngtu ten a nih tur ang kan thlenpui zo \hin lo tih a sawi a. “Zo pa lo nei-a eizawng pawh kan hlawhtlin chuan a zirthiam te kawng min kawhhmuh kan zui chuan kan hlawhtling lehzual ang,” tiin loneitute chu mithiam te thurawn ngai pawimawh turin a chah a. Mizoram District 4-a FOCUS kalpui turah a hlawhtling ber ni tura \an la turin he huna kalkhawmte chu a sawm a. FOCUS kalpui turah loneitute ham\hatna chauh ni lo, kan environment humhalhna tur a huam tel chu \ha a tih thu sawiin, Mizo ten Lo kan neih dan chu khawvel pawhin a ngaihmawh, kumtin a Lo neihna sawn \hin a nih thu pawh sawiin, huan nghet neih uar a pawimawh thu a sawi bawk.

Nimin a District Level Consultation Meeting hi Serchhip District Agriculture Officer leh FOCUS- District Management Unit-a District Project Manager, C. Lalnithanga chuan kai-hruaiin kalkhawmte lawmna thu a sawi bakah he ruahmanna hnuaia Serchhip District-a hmalak an tum dan te a sawi a, he ruahmanna hnuaiah hian Serchhip District chhunga Village Council 51-ah hmalakna an kalpui dawn thu leh tunah hian khaw 32-ah Baseline Survey nei zo tawhin khaw dangah pawh survey hi kalpui zui zel a nih dawn thu a sawi a, kar leh mai a\ang hian khaw hrangah hna thawk tura an kal chhuah \an tur thu a sawi bawk.

He hunah hian Lalhmangaihzuali, Dy. Director, Project Management Unit, SCRAM Aizawl chuan FOCUS (Fostering Climate Resilient Upland Farming Sysytem) lo dinchhuah dan tlangpui sawiin, January 25, 2018 khan New Delhi-ah he project atan hian inremsiamna lehkha ziah fel niin, kum 6 chhung kalpui anih tur thu a sawi a. He project hmalakna atan hian cheng vbc. 537.272 ruahman niin, IFAD (International Fund for Agricultural Development) kaltlangin Loan cheng Vbc. 53 chu United Nations a\anga hmuh niin, sawrkar laipui scheme dangte nena convergence a kalpui \hin tum a nih thu a sawi bawk

Tun dinhmunah Mizoram-a District 4- Serchhip, Champhai, Kolasib leh Mamit-ah te he hmalak hi kalpui niin khaw 272 a chhungkaw 64,500 in an chhawr \angkai thei dawn a. He project hian loneitute dinhmun chawikan mai piah lamah awmze nei zawka tlangram lo neih dan kalpui chu a tum pawimawh tak a ni a, kumthara ram thar zuan mai lova, neih nawn theih dan turte leh kan kalsan hnu ramte pawh neih leh thuai tlaka siam tura hmalak chu a tum pawimawh tak a ni, tiin FOCUS hi Mizoram leh Nagaland-ah chauh kalpui ala nih thu a sawi bawk.

Nimin a Consultation Meeting-ah hian Line Department hrang hrang hotute bakah Village Council 51-a an President leh Secretary te an tel a, chawhnu lamah hnathawh dan turte inzirtirna hun hman a ni bawk.