Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

PES zirlai ten kawngpui dung thianfai

Presbyterian English School Serchhip zirlaite chuan nimin khan Serchhip khawpui chhung ah bawlhhlawh chharfai hna thawkin tunhnaia kangmei tuar an School-a zirlai te hnenah \anpuina an hlan bawk.
Presbyterian English School, Serchhip-a pawl 5 leh pawl 6 zirlaite hian an zirlai peng pakhat atan an School leh Serchhip Bazar inkar, NH. 54 kawngpui kam thenfai hnatlang hi neiin he hunah hian zirlai naupang 100 dawn an tel a, zirlaite hian kawngpui leh a sir vela bawlhhlawh awm te chharkhawmin a paihna tur hmunah an paih a, hetiang hian Class hrang hrang ten a inchhawkin thla tin vawikhat tal neih an tum tur thu an sawi bawk.
Nimin vek khan PES Serchhip hian kar kaltaa kangmei tuar, PC. Lalromawia, Medical Quarters ami te hnenah \anpuina Rs. 23,825/- an hlan a, PC. Lalromawia fate hi Presbyterian English School, Serchhip-ah hian kalin an vanduaina tawrh \anpuina atan hian zirlaite leh zirtirtute chuan an remchan ang pawisafai hi an thawhkhawm a, hemi hmalam hian heng zirlai naupangte tan hian School Uniform zawng zawng leh an Zirlaibu turte pawh an lo hlan tawh bawk a ni.

Comments

Popular News (Last 30 Days)