BBBP Serchhip District kaltlangin hmeichhe zirlai naupang ti\hate chawimawi an ni

Hmeichhia leh Hmeichhe naupangte venhimna beihpui thlakna, Beti Bachao Beti Padhao (BBBP) Serchhip District hmalakna kalzelah nimin khan Serchhip District huamchhunga hmeichhe zirlai naupang HSLC leh HSSLC Exam-a ti\ha te chawimawina hun hman a ni a, Serchhip District Addl. DC, Chuauhnuna chuan khuallian niin a hmanpui a ni.

Serchhip Auditorium-a Hmeichhe zirlai HSLC leh HSSLC Exam-a ti\hate chawimawina hunah hian Addl. DC, Chuauhnuna chuan hetiang hun hman theih a nih chhan chu Central sawrkar scheme \ha tak, Beti Bachao Beti Padhao (BBBP) vang a nih thu sawiin, Sawrkar in he Scheme kalpuina tura Mizoram a District tlemte a thlanchhuah zinga Serchhip District a thlan ve vang a nih thu leh lawmawm a tih thu a sawi a. Khuallian chuan Mizo hmeichhiate chu mipa ten kan tluklo mah mah tawh zawk nia sawiin, Exam result chhuak apiangah Hmeichhe hming a lang ta zel mai chauh nilovin, a tam zawk chu hmeichhia an ni ta zel tih a sawi a. Thiamna leh finna chuan thahrui chakna chu a hnehthei a ni tih he huna chawimawi te a\ang hian a lang chiang hle tih pawh sawiin, mahni aia thahrui ngah zawk mipa te aia dinhmun sang ah Mizo hmeichhia te chu an ding \an tawh tih a sawi a, he hun an hun hman hi mipa te tana inenletna ni nghal se a duh thu sawiin, he huna chawimawi zirlai hmeichhe naupang 10 ve ve te chu ram leh hnam tana mi hlawhtling lo ni chhumzawm zel turin duhsakna a hlan nghal bawk.
Serchhip District Education Officer, Lawmawma kaihhruai he hunah hian MZP Hqrs. Serchhip aiawha thu sawitu Lalmalsawma, Vice President pawhin tunhma, kan pi pu ten ‘Hmeichhe fin in Tuikhur ral a kai lo’ an lo tih \hin chu tunah chuan a nih tawh loh zia sawiin, tunhnaia HSLC result chhuak ah ngei pawh a ti\ha ber chu hmeichhia a nih thu a sawi a, Mizote ah hmeichhia te chuan mipa te dinhmun luah ang an luah ve thei tawh chu lawmawm a tih thu sawiin, Nupui pasal neih chungchang ah zirlai kalkhawmte chu mahni Mizo pui ngei nupui pasal a nei turin a chah nghal bawk a, Mizo hmeichhia te pawhin Mizo hnam chhan kawngah tihtur pawimawh tak an neih thu sawiin, Mizo mipa te hnungzuia thlawp tlat turin a fuih bawk.
Nimin a hmeichhe zirlaite chawimawina hun hmanna ah hian Serchhip Sub-Hqrs. YMA President, R. Sanghmingthanga pawhin lawm-puina leh fuihna thu sawiin H. Lalhruaitluanga, SDC chuan lawmthu a sawi a. He hunah hian zirlai naupang 20 te hi chawimawina thuziak leh Rs. 5000/- \heuh hlan an ni.

Comments

Popular posts from this blog

PAN CARD an tih teh fo hi - Laldinpuia