Lok Sabha inthlan kaihhnawiha FIR thehluh bawhzui dan Mizoram CEO in a sawifiah

Mizoram-a Lok Sabha inthlanpui neiha Vote thlak zawh hnuah FIR thehluh chungchang bawhzui dan Mizoram CEO chuan thuchhuah siamin a tarlang.
Hemi chungchanga CEO thu-chhuah chuan April 11-a Vanglaini chanchinbu-ah Candidate symbol dik lo tarlan a nih thu leh hei hi Dan tehna a\ang chuan a mawhphurtu chu Editor leh Publisher a ni a, hei vang hian Returning Officer pawhin Editor lakah hian FIR thehlutin he FIR-ah hian Candidate hming a lan loh thu a tarlang a. Amaherawh chu Lalnghinglova Hmar chu Joint Editor leh Candidate anih bawk avang thu in chuh (Confict of Interest) a awm lo thei lova, Sub Section (4) of Section 123 of The RP Act, 1951 bawhchhiatna a nih avangin ani (Tetea Hmar) leh he chanchinbu Editor hnenah hian Show Cause Notice pek a ni tih a tarlang a. Vanglaini Chanchinbu Editor hian Show Cause Notice chhanna hi thehlutin tihsual palh a nih thu a sawi tawh a, a mawhphurhna emaw hremna emaw tun dinhmunah hian pek tumna a awm lo tih a tarlang bawk.
Vote thlak Ni-a Lunglei District chhunga Polling Station \henkhat a Contesting Candidate te tarlanna serial number leh hming Form 7A leh EVM Ballot paper nen a in mil lo chung-changa complain pawh Vote thlak Ni-ah K. Hrangthantluanga, Member, Coordination Committee, LDCC& ZPM Coordination Committee chuan a thehluh thu leh Lalhruaitluanga Kawlni Secretary Joint MPCC &ZPM Campaign Committee pawhin thehlutin,  complaint hi hmuh a nih rualin Lunglei District Election Officer chu enquiry la tur leh poster diklo tarchhuah te thlak nghal turin CEO Office chuan a hriattir tih an tarlang a. Hemi hnu April 18-ah Lalnghinglova Hmar Agent in complain thehlutin hemi chungchangah hian RO leh ARO te chu thu zawhfiah niin vote thlak \an hma khan poster diklo te chu lathla in, Form 7A photocopy a thlak thleng anih thu a tarlang a. April 29-a Lunglei Police Station a MPCC Legal Department Secretary in FIR a thehluh pawh May 1 khan CJM Lunglei chuan ngaihtuahin he thil hi Election kaihhnawih a nih avangin he FIR hi Election Petition hmanga ngaihtuah chi leh a ngaihtuah theitu chu High Court a nih avangin a pawmsak lo tih a tarlang bawk.

Comments

Popular posts from this blog

PAN CARD an tih teh fo hi - Laldinpuia