Zirtirtu danglam ngam turin Edn. Minister in a chah

School Education Minister, Lalchhandama Ralte chuan zirtirtu hna chu hna zahawm a nih thu sawiin, sawrkar hnathawk dangte nena bukna khata khairual theih an nih loh avangin a \ha zawngin an danglam ngam tur a ni, a ti.
School Education Department in Sawrkar enkawl Elementary School-a Headmaster te tana nikhat awh intuaitharna hun nimin a an buatsaih a hmanpuina ah he thu hi sawiin Education Minister chuan Education Department-a thawk te chu Mizoram awrkar hnuaia thawktu zawng zawng a\anga zaa 30% vel an nih thu leh Zirtirtu hna chu hna zahawm a ni tih sawiin, “Headmaster te ngat phei chuan zah an hlawh lehzual a, hei vang hian zirtirtute hi sawrkar hnathawk dang te nena bukna khata khairual theih an nih loh avangin a \ha zawngin an danglam ngam tur a ni,” a ti.
Sawrkar Zirna(Education) chu ngaih pawimawh berte zinga mi a ni dawn tih pawh sawiin School Education Minister chuan, zirtirtu a nghet ni chiahlo te hlawh bat lailawk \hin pawh a theih chin chinah pek zel a nih thu leh Mizoram puma sawrkar School-a zirtirtu indaihlohna ti ziaawm tura zirtirtu 946 lak tur pawh thlir dan hrang hrang awm mahse, Elementary bikah zirna siam\ha tura zirtirtu School tina pali (4) tal awmtir chu an thupui leh an tum ber a nih thu a sawi bawk.
Headmaster tam tak zingah \henkhat in School-in a mamawh avanga mahni hlawha zirtirtu rawih belh an awm \hin chu lawmawm a tih thu pawh Minister chuan sawiin, Sawrkar School hrang hranga Enrolment tlahniam leh sawrkar school sawikhawm leh khar ngai hiala awm \hin chu mahni mawha laa insiam\hat a \ul thu a sawi a. Kum 2020-ah phei chuan School khar ngai khawpa Enrolment nei chhia zirtirtute chu boruak dang hip tir sawrkarin a hnial dawn lo tih a sawi bawk. 

Comments

Popular posts from this blog

PAN CARD an tih teh fo hi - Laldinpuia