Latest News

MJA Member ten Fall Armyworm chetna enin Hriangtlang khuaa Vaimim hmun an tlawh

Tunhnaia Serchhip District chhunga Vaimim eichhetu Pangang (Fall Armyworm) in Vaimim chingtute tana harsatna a thlen dan enin nimin khan MJA Serchhip District te chuan Hriangtlang khuaa Vaimim chinna hmun an tlawh.
MJA Serchhip District Member te hian Hriangtlang khuaa C. Darmawia Vaimim chinna hmun hi nimin khan tlawhin he Lo neitute hian nikum lamah Vaimim chi Kg. 5 vel chingin Vaimim quintal 5 chuang an thar thu sawiin, kumin hian |in thum (3) hmun-a zau-ah vaimim chi Kg. 3 vel an chin leh thu an sawi a, amaherawh chu an vaimim \iak te hi Fall Armyworm te hian a beih mek thu sawiin, tunah hian Agriculture Department a\angin Vaimim chi an lak belh leh tawh thu an sawi a, an Vaimim beitu pangang te hi a theih ang anga a suat hna an thawh thu leh amaherawh chu an suat tawh hnu te pawh a dang in an rawn beih zel thu an sawi a. Serchhip DAO Office a\angin pangang beihna tur hlo lain an Vaimim te pawh hi kah leh an tum thu an sawi bawk.
He hunah hian Serchhip DAO Office a\anga kal, Lalringliana, Subject Master Specialist chuan Fall Armyworm te hi ni 23 velah an puitling hman tih sawiin, anmahni thlahtu Phengphehlep te chuan \um khatah 100 a\ang 200 vel an tui thei tih a sawi a. Fall Armyworm hi nikum-ah South India-ah hmuh a nih thu leh kumin ah Mizoram-ah hmuh a nih thu sawiin, Aizawl leh Kolasib District-ah hmuh hmasak a nih thu a sawi a. District hrang hrangte pawh hriattir-a an dinhmun zawhfiah an nih rualin District hrang hrangah pawh hmuh nghal a nih thu leh Serchhip District-ah pawh an enfiahna khua zawng zawngah Fall Armyworm hi hmuh a nih vek thu a sawi a. Hei vang hian loneitute hnenah an Vaimim \iak apiang chu pangang beihna tur hlo-a kap tura an tih thu leh damdawi pawh a thlawna sem nghal a nih thu sawiin, a mamawhte tan damdawi hi lam theih reng ala nih thu a sawi bawk.
Fall Armyworm hi Vaimim an beih te hi thi lo mahse a zik an eichhia a nih chuan Vaimim thar theih a nih dawn loh thu pawh sawiin, Lalringliana chuan Tunlai sik leh sa chu heng Pangang te inthlahchhawnna atana boruak \ha tak a nih thu a sawi a, tunah hian Vaimim hmun bei mahse Fu leh Buh te chu an chaw duhzawng a nih avangin theihtawp chhuaha a tirem tura hma an lak mek thu a sawi a. Tunah hian FOCUS hnuaia thawktute chu Serchhip District chhung khaw hrang hrangah tirhchhuah an nih thu leh heng mite hi Report pekna tur Form siamsa chu ken tir an nih thu pawh sawiin, hun reilote ah Fall Armyworm avanga harsatna thlendan kimchang chu hriat theih beisei a nih thu a sawi bawk.

Comments

Popular News (Last 30 Days)