Latest News

Chief Secretary in Indo-Myanmar Border tlawhin India Ambassador to Myanmar nen an inkawm

Mizoram Chief Secretary, Lalnunmawia Chuaungo IAS chuan nimin khan India leh Myanmar ramri, Zokhawthar-a sawrkar hmalakna hrang hrangte tlawhin Ambassador of India to Myanmar,Saurabh Kumar IFS nen Rihkhawdar (Myanmar)-ah an inkawm a, ram pahnih Border Point-te an tlawh a, hemi hnu hian Land Custom Station Zokhawrthar-ah Indo-Myanmar inlaichinna, inkalpawhna, insumdawntawnna leh \ul dangte Official-te nen an sawiho bawk.
Nimin a Chief Secretary leh Ambassador of India to Myanmar,Saurabh Kumar te inkawmna hunah hian India Sawrkar leh Myanmar sawrkar inkara thawhhona hrang hrang awmte sawiho niin India sawrkar puihna hmanga Myanmar ram chhunga inkalpawhna kawngpui Tiddim Road siam mek chak zawka kalpui leh |iau lui-a Lei lian leh rinawm zawk Indo-Myanmar Friendship Bridge, Zokhawthar siam dan turte sawiho a ni a. Mumal zawka Indo-Myanmar Trade kalpui anih theihna turin remchang hmasa berah Ministry of External Affairs, Govt of India kaltlanga Joint Seminar on Bilateral Trade Potential Mizorama buatsaih tura hmalak nise tih a ni bawk.
He Meeting-ah hian ramri hrula khawtual insumdawn tawnna tur Border Haat chu Hnahlan, Zote, Vaphai leh Pangkhua, Mizoram leh Myanmar lama siam tura ruahmanna kalpui tawhte chu chak zawka bawhzui nise tih a ni a. Ramri a\anga teha Aerial distance KM 16 huamchhung chu ram pahnih mite tan awlsam taka inkawlpawh theihna, Free Movement Regime (FMR) chungchangte pawh meeting-ah hian sawilan niin, Pipu sulhnu pawimawh leh Mizote nuna bet tlat Rih Dil tlawh tura harsatna awm \hinte pawh dan anga ruahmanna \ha tak siama hmalak nise \ha tih a ni bawk a. Ramri kaltlanga insumdawnna pawh anih dan tur ang taka kalpuia, dan in a phal loh te ven kawnga \anlak angaih thu pawh tarlan a ni bawk.
Chief Secretary hi Mizoram sawrkar mi pawimawh \hahnem takin \awiawmin amah \awiawmtute nen hian Indo-Myanmar inlaichinna \hat zelna tura duhsakna lantir nan ramri kanin Myanmar ram an lut a, Pipu sulhnu hmun pawimawh tak Rih Dil an tlawh bawk a ni. Meeting  zawh hnu hian Zokhawthar hmuna Land Custom Station, Plant Quarantine, Police Check Post, Warehouse leh Sawrkar building pawimawh dangte an enfiah nghal bawk.
Ambassador nena an inkawm zawh hnu hian Chief Secretary hian World Bank sum hmanga Champhai to Zokhawthar kawng siam mektu, TARMAT Company hotute pawh kawm leh nghalin, he kawng hi kawng pawimawh tak anih tih hria a hmanrua leh hnathawktu tam zawk chhawra chak taka hnathawk turin a chah a, an hmasawnna te thlakhat hnuah a hnena thlen turin a hrilh bawk a ni. Chief Secretary hi Sub-Hqrs. YMA Champhai chuan lo hmuakin Tawlhlohpuan an sin tir a, khawtlang leh ram leh hnam tana thil pawimawhte an sawipui bawk a ni.

Comments

Popular News (Last 30 Days)