Serchhip VC-VII ten chenna In hlan

Serchhip-VII Village Council in miharsa chenna In tur an sak chu nimin khan a neitu tur, Lalrinchhana hnenah hlan a ni.
Serchhip-VII VC hian Serchhip Lower Chanmari Veng-ah chenna In pakhat sain he In hi nimin khan a neitu tur, Lalrinchhana hnenah an hlan a, he In hlanna puala inkhawm tawi hi Serchhip-VII VCP, H. Lalthianghlima chuan kaihruaiin Rev. H. Lal-awmpuia (Presbyterian) chuan In hlanna hun a hmang a, Serchhip-VII ten Lalrinchhana Inhmun leh In an hlanna lehkha chu hlanin, Serchhip-VII Village Council ten \anpui ngaite an \anpui chu fakawm a tih thu leh Pathian hnathawh ropui tak a nih thu a sawi bawk.
He In neitu, Lalrinchhana pawhin an chhiat tawhna ah mimal, pawl leh Kohhran ten thlahthlam lova hmangaihna nena an chhawm-dawl chu lawmawm a tih thu sawiin, Pathian in a let tam taka a vur let a beisei thu a sawi a. Amah enkawltu Unity Church, Serchhip Chairman, C. Dawnkima pawhin hetianga Serchhip-VII VC ten chenna In an sak sak chu lawmawm an tih thu leh mirethei \anpui ngaite \anpui nachang hria khawtlang hruaitu \ha tak tak an nei chu lawmawm a tih thu a sawi bawk.
Lalrinchhana hi Lambu-a (L) fapa niin chhan hrang hrang avangin kum khat a tlin hmain a U nen Serchhip-a Orphanage Home-ah dahin Home-ah hian an seilian a, an Unau hian Home-a an awm theih hun a tawp hnuah a nu leh pa belh tur an neih tawh loh avangin Serchhip-VII VC te hian an chenna In tur hi sak sakin an hlan ta a ni. He In hi a dung ft. 24 leh a vang ft. 15-a zau niin Assam Type-a sak a ni a, Bathroom leh pindan dang te bakah Ceiling siam sak nghal vek a ni bawk a, In sak hna hi kumin March 4 khan thawk \anin In sakna atan hian Rs. 2,13,852/- sen a ni a, Electric leh Tui Connection pawh dah nghal a nih bakah Tuizem (Sintex) dah nghal niin mimal leh sawrkar Department a\angin \anpuina pawh Rs. 10,350/- hmuh a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia