Dan lova sumdawng man

Serchhip Police te leh Serchhip Sub-Hqrs. YMA Kumpuan Committee hmalakna in Inrinni zin khan Serchhip-ah dan lova hnamdang sum-dawng leh Mizo hming hawha Hnamdang sum-dawngte dapchhuah beihpui thlak a ni.
Tunhnai ah Serchhip-ah dan lova hnamdang sumdawng an awm nia hriat a nih avan leh ILP hman diklo an awm nia hriat a awm avangin Serchhip Police te leh Serchhip Sub-Hqrs. YMA Kumpuan Committee \angkawp chuan Serchhip khawpui chhunga hnamdang sumdawng te an enfiah a, dan bawh-chhia a sumdawng hnamdang mi 4 hmuhchhuah niin Mizo-in dan kalha an sponsor leh ILP Condition & Restriction kalha sumdawng te an ni.
Heng hnamdang ten dan kalha sumdawnna atana an hman lirthei pathum te chu Serchhip Police te chuan manin Serchhip Police Station-ah hren nghal an ni a, tun \uma a dan lova sum-dawng an man te hi Serchhip Leisang Veng leh Bilzel Veng vela inkulh leh heta \anga dawr bung-rua chi hrang hrang Motor hmanga zuarchhuak \hin te an ni.
Serchhip Sub-Hqrs. YMA hruaitute chuan Mizo in kan tih ve theih sumdawnna te chu ram leilung fa ten an thawh ve ngei theih nan leh sumdawnna-a Mizo chimrala kan awm loh nan theihtawp chhuaha hmalak zel an tum thu an sawi a. Hemi kawngah hian Mizo mipuite chu \angrual tur leh dan lova sumdawnna kawnga hnamdang mawngzawm lo turin Mizo mipuite chu an ngen bawk a ni.

Comments

Popular posts from this blog

PAN CARD an tih teh fo hi - Laldinpuia