Zirtirtu 946 la turin phalna pek a ni tawh

School Education Minister, Lalchhandama Ralte chuan Sawrkar in zirna a ngaih pawimawh avangin Education Directorate in an mamawh zat nia an chhut, Zirtirtu 946 la turin Council of Ministers in a phalsak tawh a ni, a ti.
Nimin leh niminpiah-a Khawzawl leh a chhevel khua a zirna In hrang hrang a tlawhna ah School Education Minister chuan he thu hi a sawi a, MPSC kaltlanga zirtirtu nghet an lak tawh, Primary zirtirtu 100 leh Middle School zirtirtu 60 te chu Election Commission in phalna a pek angin karleh lamah Appointment leh Posting an ti chhuak thei dawn tih a sawi a, Zirtirtu 946 an lak turte hi Trained, Qualified Teacher kher an la dawn tih sawiin, June thlaa Result nei turte pawh dil an phalsak dawn bakah zirtirtu hnaruak hnawhkhahna turah a khua amite ngei lak zel an tum tih a sawi. Minister chuan zirna leh rawngbawlna thil inkawp tlat anih angin Aizawl-a 'Sikul Sen' chu sawrkarin Synod kutah hlan let turin thutlukna a siam tawh thu leh hei hi sawrkar in a enkawl theih loh lam vang ni lovin, Pathian hre chunga naupang ten thiamna an neih chu an duh zawk vang a nih thu a sawi bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia