Police in Mobile Patrolling nei

Zonuna Kawlni /
Tunhnaia Serchhip SP, R. Sathiyasun-daram, IPS in Serchhip-a tlawmngai pawl hrang hrang te a kawm \uma mipui vantlang nun a ralmuan lehzual theihna tura rawtna hrang hrang an neih te bawhzuina kalzelah Pathianni khan Serchhip Police te chuan Serchhip khawpui chhung Veng hrang hrangah Mobile Patrolling an nei a.
Helmet khum lova lirthei ke hnih nei khalh te, Driving Licence kenglo-a lirthei khalh te, Lirthei documents fello te bakah Dan phalloh a lirthei chuang leh khalh te bakah rui chunga lirthei khalhte dapchhuah hna an thawk a, dan bawhchhia mi 41 manin heng mite hi Section 185, 177 leh 182 MV Act hnuaiah thubuai ziahluh sak an ni a, Dan bawhchhia te pawisa chawi tlingkhawm zat chu Rs. 8100/- zet a tling a ni.
He Mobile Patrolling nei tur hian Serchhip Police te hi Team 4-ah insiamin heng Team hrang hrang te bakah hian Serchhip SDPO, David Bynadaolai chuan khawpui chhung hmun hrang hrang a fang bawk. Hetianga mipui himna tura hmalakna hi a remchan dan anga chhun-zawm zel tur a ni ang.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »