Latest News

Anganwadi Workers te tan CAS zirhona neih a ni

Integrated Child Develoment Scheme (IC-DS) Serchhip in Technology changkang zawk hmanga naupang, nu leh naupai leh hnute tui pelai ten rang zawk leh dik zawka chaw\ha an mamawh ang an hmuh theihna tur atana hmalakna ‘Common Application Sofware (CAS)’ hman dan inzirtirna ni 2 awh tur chu nimin khan neih \an a ni a.
He Training hi BNRGSK Hall leh CDPO Training Hall, Serchhip-ah neih niin Serchhip ICDS Project hnuaia Poshan Abhiyan Master Trainer ten Aganwadi Worker te hi zirtirna an pe a, hemi rual vek hian Serchhip District chhung E. Lungdar ICDS Project hnuaia Aganwadi Workers te tan pawh Training hi neih a ni bawk a, Vawiin ah chhunzawma zawhfel a ni ang.
India ramah naupang rih zawng zang lutuk te, naupang \han\hu leh cher lutuk leh thisen tlachham tihtlem tuma India rampuma hmalakna kalpui mek tihphuisuina leh belhchhahna tur atana programme, National Nutrition Mission (Poshan Abhyan) chu March ni 1, 2018 a\ang khan hman \an alo ni tawh a, he Programme hi Serchhip District-ah pawh kalpui mek niin, Serchhip District chhunga Aganwadi Worker ten rang zawk leh dik zawk leh awlsam zawka hna an thawh theihna tur atan abik taka siam ‘ICDS- Common Application Sofware (CAS)’ hmanrua tur Smart Phone leh Power Bank te pawh sem a ni tawh bakah heng hmanrua te hman dan inzirtirna hi neih a ni tawh a ni.
Aganwadi Worker ten kumtin, Thla thum (3) dana Report pekna atana Register Bu 11 lai an hman \hin chu he Mobile Application Sofware thar, CAS hian a chhawk zangkhai tawh dawn a, he System thar hi Real Time Monitor (RTM) tur anga ruahman niin he Software hmang hian India ramchhung a naupang \hanthu leh chaklo zawk te heti lama thawktu ten an lo hriat zung zung theihna tur a tih niin hei hi \angkai taka hman theih beisei a ni.

Comments

Popular News (Last 30 Days)