Mizoram chuan nikum November thla khan State Assembly inthlanpui neiin kan ram a kum 10 zet sawrkarna siam ro lo rel tawh Congress Party chu thlakin MNF in sawrkar siamin ro an rel ve dawn ta a.
Kan sawrkar in hun rei pawh ala hman hmain Lok Sabha inthlanpui neih leh niin hun engemaw chen chu Model Code of Conducts hnuaiah te kan awm leh ren rawn a, tunah chuan sawrkar thar pawhin Assembly Session hmachhawn lehin hemi hnu a\ang phei hi chuan sawrkar thar hmalakna pawh kan hmu \an ve tak tak dawn niin a lang a, sawrkar hmalakna tur hi mipui te pawhin dawhthei taka kan la ngaih-chan a \ul niin a lang.
Kan hriat \heuh angin Congress Party in kum 10 zet sawrkar an siam chhung khan khatih laia eptu leh tuna Ruling Party ni ta, MNF te hian sawrkar hmalakna an duhkhawp loh leh an dodal thu an sawi tam tak hriat tur a awm a. Tuna sawrkar thar, MNF Party kaihhruai alo din takah hian a hmaa kan ram kaldan a\anga thlirin thil inthlakdanglam leh kalphung danglam hi mipui tam ber te chuan an beisei ni ngeiin a lang a, chutiang avanga roreltu pawh mipui ten thlak kan nih avangin sawrkar kalphung tur hi mipui ten kan zira kan ngaihchan rih ala hun hle a ni.
Kum 10 zet kan rama sawrkar-na lo siam tawh te kaldan thlakna turin tunah hian kan sawrkar chuan hma a la mek a, sawrkar kaldan pangngai duh tan chuan sawisel tur tam tak a awm tawh ngei ang. Chutihrual chuan a hmaa kan kaldan duhlo a roreltu pawh thlak kan nih avangin tuna sawrkar thar hmalakna leh ruahmanna te hi sawisel nghal ngawt lovin ‘He thil inthlak danglam mek te hi kan ram tan a \ha em?’ tih i lo zir rih zawk ang u.
Comments
Post a Comment