Lok Sabha inthlanpui-a vote tla te chhiar tura Serchhip District inbuatsaihna a \ha tawk tih sawi

Lok Sabha inthlanpuia Vote tla te chhiar tura Serchhip District inbuatsaihna kal mek chu nimin khan Chief Electoral Officer (CEO) Mizoram Office a\angin Joint CEO, H. Lianzela hovin rawn enfiah a ni a, inbuatsaihna te chu a \ha tawk an tih thu an sawi.

April 11-a Mizoram Lok Sabha inthlanpui a Vote tla te chhiar tur hian Mizoram-ah inbuatsaihna kalpui mek a ni a, Serchhip District-a Vote tla te chhiar tura inbuatsaihna kal mek hi nimin khan Mizoram CEO Office a\angin Jt. CEO, H. Lianzela leh Dy. CEO, C.C. Lalchhuangkima leh thawktu dang ten an rawn enfiah a, heng CEO Office a\anga rawn kal te hi Serchhip District Election Officer, Sangchhin Chinzah bakah Addl. DC, Chuauhnuna leh SDO (Sadar), R. Vanrengpuia ten an lo dawngsawng a, Lok Sabha inthlanpuia Vote chhiarna tura Counting Hall siam mek te tlawhin EVM venhimna hna thawh mek te pawh enfiah a ni bawk.

Hemi hnu hian Serchhip DC Conference Hall-ah inbuatsaihna thlirho a ni a, he hunah hian anmahni lo dawngsawngtute bakah Serchhip SP, R. Sathiyasundaram IPS, Serchhip SDPO, David David Bynadaolai leh National Informatics Centre (NIC)-a District Informatic Officer, Lalruatmawia Zadeng te pawh an tel a, he hunah hian R. Vanrengpuia, SDO (Sadar) chuan Vote tla te chhiar tura inbuatsaihna hrang hrang tarlangin, Counting Hall buatsaih dan te, Counting Official ruat dan te, Counting Official te tana Training an buatsaih dan te, Vote chhiar Ni-a report pek dan tur an ruahman dan te, venhimna hna thawh dan tura ruahmanna an siam dan leh Vote chhiarna atana mawhphurhna dang nei an ruat dan te a tarlang a, heng ruahmanna an siam hrang hrangte hi CEO Office a\anga rawn kal te chuan \ha an tih thu leh lungawithlak an tih thu an sawi bawk. Serchhip-a inbuatsaihna an thlir hnu hian heng CEO Office a\anga rawn kal te hian Lunglei an pan leh nghal a ni.

Tarlan tawh angin Lok Sabha inthlanna a Vote tla te chhiarna tur atan hian Counting Hall pathum (3) ruahman niin Serchhip DC’s Conference Hall-ah hmun hnih (2) leh DC Office General Room-ah hmun khat siam a ni dawn a, Serchhip Constituency tana Counting Hall-ah hian Counting Table 6 dahin Tuikum Assembly Constituency tana Counting Hall-ah Counting Table 8 leh Hrang-turzo bial tana Counting Hall-ah Counting Table 7 dah a ni dawn a. Vote chhiar tur hian Counting Supervisor, Counting Assistant leh Micro-Observer turte ruat ni tawhin naktuk ah Training hnuhnung neih leh tur a ni ang.