Latest News

MJA (SD) in I&PR Director thlahna hmangin I&PR Director thar tur lakah beiseina an nei sang

MJA Serchhip District chuan nimin tlai khan I&PR Department Director a\anga pension tur, David. L. Thangliana thlahna hun Serchhip-ah buatsaihin thlahna thilpek an hlan a. I&PR Director thar tur chu Serchhip DIPRO lo ni tawh a nih avangin a lakah beiseina sang tak an neih thu an sawi bawk.

    Serchhip I&PR Conference Hall-a I&PR Director, David L. Thangliana thlahna hun hi MJA Serchhip District a General Secretary, C. Lalrochhuanga chuan kaihruaiin thla thar-a pension-a chhuak tur I&PR Director, David L. Thangliana chuan MJA Serchhip District ten amah thlahna leh chawimawina hun an buatsaih chu lawmawm a tih thu a sawi a. Kum 1984 a\anga sawrkar hna a thawh chhoh dan te sawiin, Pathian zara a service hun hmang zo theia a awm chu lawmawm a tih thu a sawi a. Sawrkar hna a thawh chhunga MJA te nen thawhhona \ha tak an nei chu lawmawm a tih thu leh I&PR Department-a Director hna a chelh hun chhung, nikum August thla a\anga a hun tawp tur, tun thla tawp thlenga tih tura alo ruahman hrang hrangte Election Model Code of Conducts in \um hnih a phuar avang leh ama hriselna a \hat tawk loh avanga ti thei lo-a a awm te chu pawi a tih thu a sawi bawk.
    He hunah hian MJA Serchhip District hian thlahna thuziak hlanin MJA Serchhip District President, C. Ramengmawia chuan I&PR Director, David L. Thangliana hun chhunga \um thum lai Project Site Visit an nei thei leh Press Club sak hna bul an \an thei chu lawmawm an tih thu a sawi bawk.
    He hunah hian Serchhip District Information & Public Relations Officer, K. Saitluanga MIS pawhin thu sawiin an Director chu he Department-a an luh ve a\ang tawha Department tana \hahnem ngai tak leh he Department-a thawk te pawhin an ngainat nia a hriat thu sawiin, Ser-chhip-a I&PR Office in mamawh hrang hrang an neih te a hunlaia tih hlawhtlin sak an ni chu a lawm thu a sawi bawk.
    He hunah hian Serchhip District-a MJA Member te telin I&PR Director pension tur an ui thu leh Director thar tur, Lallianpuii chu Ser-chhip DIPRO lo ni tawh a nih avanga a laka beiseina sang tak an neih thu an sawi bawk.

Comments

Popular News (Last 30 Days)