Fall Armyworm in Zoram a run mek, Kuthnathawktute an mangang zual

Fall Armyworm in Zoram a run mek, 

Kuthnathawktute an mangang zual

- B.Vanlalhruaia, Chairman 

Zolen Medicinal Society

Khawvel hmun hrang hranga Loneitute ti mangang tu Fall Armyworm chuan Mizoram-ah Kuthnathawktute thlai chi hrang hrang a khawih buai nasa ta hle a. Agriculture Department an talbuai \an.

He Fall Armyworm lungphur chikhat chimawm tak hian tuna Agriculture Department mithiamte chhutdan ah Cheng Vaibelchhe 18 leh Nuai 4 man hu Vaimim a eichhe tawh a, Rapid Response Force (RRF) pawh din nimahse, an che hleithei lo hi a manganthlakna lai tak a ni. Department a an thlai eichhiat tawkte report lemloh khaw engemawzat pawh an Vaimim changlo thlaidang pawh eizo chho mek a ni. Agriculture Director, Rohmingthanga Colney in a sawi danin khaw 80 vel a\anga report an dawn tawh thu leh Hecter 1409 zet a chin Vaimim a eichhe tawh niin a sawi nghe nghe a ni.

He Fall Armyworm hi Mizoram a hmuh a nih leh puanzar a nih chhung a reilo hle a, tunah hian 2nd Cycle a in\an mek a, District hrang hrangah a puitling (Lungphur) hmuh tur a awm \an a ni. A inthlahpun chak dan leh a no keu a\anga puitlinna tur atan thlai a rin nghal \hin a vangin reilote chhungin Zoram a tuam chhuak nghal ngei dawn tih a lang chiang ta a. A pui pakhatin tui zaruk (600) a\anga sangchuang a neih thei a, ni 3 a\anga ni 5 ah an tuite hi an keu a, Thlai zung lamah biruin zanah thlai te hi an ei \hin a, Pangang ei \hin Sava chi hrang hrangte tana hmuh theihin an inlar ngailo hi a buaithlak leh a punchakna ti zual tu a ni. 

Mizoram-a rannung thahna hman tlanglawn chi \henkhat hi chuan he Lungphur pangang hi a tihhlum theih loh avangin kuthnathawktute a ti mangang zual hle a. Ramdang leh State danga a chetna hmunah chuan tunlai thiamna sang tak hmanga ORGANIC Pesticide PUNCH leh Mikbond chawhpawlh-a an tihhlum avangin lo neitute manganna a sutkian sak chin a tam hle a, a rawn chhuahna ram USA leh Ramdang hausa deuhte chuan he Damdawi hi India ram a\angin \hahnem tak tak an chawlut reng a, kan state Mizoram-ah ngei pawh Kuthnathawktute’n he damdawi hmang hian an thlai a khawihchhiat tawhte chu an chhan him mek bawk a ni.

Agriculture mithiamte’n a hlauhawmzia leh fimkhur a\ulzia Media hrang hranga an puanzar hnuah MiKlens Bio Pvt Ltd he damdawi siamtu Company) leh Zobionano Pvt Ltd North East-a Distributor te chuan Mizoram-ah pawh a hmantlak ngei ringin Zolen Medicinal Society-te nen Sihphir-a Kuthnathawktute huan ah a enchhinna an nei a. He Kill Test neihna atan hian Damdawi tui pawlhloh hmanga an enchhinna ah Second reilote chhungin a tihlum thei tih hmuhchhuah a ni a, Ml. 3 tui liter 1- ah pawlh, Mikbond 0.5 (per Liter) nen chawhpawlh a an enchhin lehna ah pawh a hlawhtling hle bawk a ni. He damdawi \hatna hi chu mihring tan hlauhawm a ni ve lova, kut lawng pawhin a khawih bawrh bawrh ngam a ni. An enchhinna ah chuan \umkhat kah a nih hnuah he Fall Armyworm te hi an thi vek a, a \um hnih kahna (Karkhat hnuah) a kung leh a hnahte alo \hang\ha lehin thlai \henkhatah chuan hnahthar leh parte a rawn chhuang leh thei hial a ni tih hmuhchhuah a ni bawk.

Hetianga PUNCH (ORGANIC damdawi) hmanga tihhlum theih a Control pawh Mizoram leilungah pawh a theih tak avangin siamtu Company MIKLENS Bios Pvt. Ltd. Bangalore chuan Mizoram kuthnathawktu te’n an mamawh dawn nia an hriat avangin Mizorama hman tur rawn thawnin a mamawh tute tan lei theihin Aizawl a rawn thleng tawh bawk.

Fall Armyworm control nan hian Mizoram Sawrkar chuan theihtawp a chhuah mek a, AIR leh DDK mai bakah Print Media kaltlangin Awareness Campaign an nei mek a, Kut hnathawktu pawl hrang hrang pawhin sawrkar tha tichak turin a thehdarh lamah pawh \an an la nasa \an hle a, Department lam-in a thlawnin Chemical Pesticide an sem mek bawk a. He damdawi erawh hi chuan a thlai nen lama a tihhlum theih avangin a pawlh dan tawk ah mithiamte rawn hrehloh hram nise a \ha ka ti hle. A puitling pakhatin no a hrin tam theih dan ngaihtuah chung ranin, he Lungphur pangang rual, Army (Sipai) ti hiala a hming an phuah-in kan State a tihbuai theih dan tur hi ngaihruat thiam a harsa hle dawn zawk niin ka hria. Vaimim, leh Buh a duh bik em em a, a chaw heh dan lah hi a rapthlak hle bawk. 

Dam khawchhuah nan hnahhring chi 80 vel a hmang thei a, zan lamah chauh chaw a ei \hin avangin damdawi hmanga kan kah pawhin a kahna tur pawimawh lai hriat a \ha hle bawk. Chu mai nilovin kan thlaite kan lo venlawk theih nan kahlawk hi a him hle dawn a ni. A bik takin PUNCH leh MIKBond hmanga kan lo kap a nih chuan a tirah thihpui nghal mailo mahse, kan thlaihnan-te kha a ei hunah Fall Armyworm kawchhungah Septicemia a lut a, chetheilo-in an awm thuai a, darkar 24 chhungin an thihpui nghal \hin a ni, chu mai bakah Ruah pawh sur mahse, Bond (Sticker) kha hnah ah khan tuiin a lenbo ve mai thei lova, a hnah a ei hun hunah a chauhpuiin a thihpui thuai \hin a ni. 

Duhthusam ah chuan he ORGANIC hlo hmanga a Control theihna hmanrua/Damdawi hi Sawrkar hian tuna a thlawna a sem zingah hian tel ve thei se a duhawm hle a ni.