MPYCC in Agriculture Emergency puan phut

Mizoram Pradesh Youth Congress Committee (MPYCC) chuan Mizoram-a Fall Army Worm (FAW) puang mek avangin Mizoram Sawrkar chu Agriculture Emergency puang tura an phut thu an sawi.

Inrinni-a thuchhuah an siamah MPYCC chuan Mizoram puma loneitute Vaimim chin eichhetu leh thlai dang tan pawha rannung hlauhawm tak, Fall Army Worm (FAW) puang mek dodalna tur leh chak taka hmalak anih theih nan Mizoram Sawrkar chu Agriculture Emergency puang tura an phut thu an tarlang a. Mizoram hmun hrang hranga Loneitute an mangan hle laiin, Mizoram Sawrkar chetdan chuan duhthu a sam lo hle nia sawiin, Agriculture Minister chu ralkhel dar rik fe hnu leh MPYCC te leh Chan-chinthar thehdarhtu \henkhatte phut chhuahin rundalah a che chhuak ve chauh a. Hetianga hmala chaklo leh \uanfum Agriculture Minister Zoram-in a nei chu vanduaithlak an tih thu an sawi bawk.

Hetihlai hian Mizoram Agriculture Service Association (MASA) chuan Inrinni vek khan thuchhuah siamin Vaimim eichhetu rannung Fall Armyworm (FAW), Spodoptera Frugiperda chu Mizoram-a vaimim chinna hmun hrang hrangah hmuh a nih thu leh he rannung avanga loneituten harsatna an tawk chu an tawrhpui em em tih an tarlang a. He rannung avanga harsatna kan tawh mek hi Agriculture Department-in a tir phat a\angin Sawrkar laipuia thlai venhimna lama thuneitu sang te berawn chunga hma a lak thu leh hetianga uluk taka ruahmanna neia hmalak anih avang hian loneitute chu Agriculture Department mithiamte thurawn ang zela hma la turin an ngen a. Hetihlai hian sumdawnna kaihhnawiha hlawkna tel tuma Agriculture Department hmanrua te sawi nepa mahni company siamchhuah a \ha ber ang maia sawi mawi leh politics a inbeihna hmanrua a hman theih tak anih avangin mitinte fimkhur turin an ngen bawk.