Dan lova Vawk lakluh man

Serchhip Police te chuan niminpiah tlai khan dan lova Serchhip District-a lakluh Vawk puitling 25 leh a Note, 76 zet an man a, dan lova Vawk laluttu te chungah hian a \ul anga hmalak mek a ni.
Serchhip Police te hian an thudawn bawh-zuiin niminpiah tlai dar 5:30 vel khan Champhai lam a\anga lakluh Vawk te hi Motor pathum (3) a\angin an man a, heng Vawk an man te hi a puitling tawh 25 leh a Note 76 neiin a neitu nia puh Rokimi, Robuaii leh Lalzopari, Zotlang Cham-phai vek te pawh man nghal an ni a, heng Vawk phurhna atana hman Motor 207 Truck- MZ-04A-2137, Joel Vanlal\hathlengliana, Champhai Electric Veng khalh te, MZ-04A-2083 Lal-biakngura, Champhai Bethel Veng khalh leh MZ-04A-0283 Lalremsiama, Zotlang Champhai khalh te pawh Police te hian an hreng nghal a ni.
    Serchhip District Magistrate, Sangchhin Chinzah chuan kumin March 25 khan Section 144 of CrPc 1973 in thuneihna a pek hmanga thupek chhuahin \henawm ram (neighbouring States/country) leh District dang a\anga vawk leh Vawksa a\anga thilsiam reng reng lakluh khap tlat a ni tih alo puang tawh a. He khapna thupek hi thla hnih (2) chhung atana chhuah niin he thupek zawmlo te chu Section 188 IPC hmanga hrem theih tura tih an ni a. Hetianga District Magistrate khapna thupek bawhchhia te chungah hian a \ul angin Serchhip Police te chuan hma an la mek a ni.

Comments

Popular posts from this blog

PAN CARD an tih teh fo hi - Laldinpuia