Lok Sabha inthlana Vote tla te chhiar turin inbuatsaihna peihfel a ni tawh - CEO, Mizoram

Mizoram Chief Electoral Officer, Asish Kundra-a'n naktuk zing dar 8:00 a\anga Lok Sabha inthlan leh Aizawl West-I Bye-Slection-a vote tla te chhiar turin inbuatsaihna peihfel a ni tawh tih a sawi a, tun \umah hian Assembly bial tinah VVPAT panga (5) \heuh chhiar tel tur anih avangin vote chhiar hun chhung tlemin a rei deuh mai thei tih a sawi.

Nimin a Aizawla chanchinbumite a kawmnaah Chief Electoral Officer hian vote tla te hi District khawpui hrang hranga Counting Centre 40-a Dawhkan 380-ah chhiar a ni dawn tih a sawi a, Vote chhiar tur hian Official 1321 ruat an ni a, Returning Officer in a \hut Counting Centre-ah chuan vote chhiar \an anih a\anga darkar chanve chhung chu Postal Ballot leh Electronically Transmitted Postal Ballot System (ETPBS) te chhiar hmasak a ni ang a, darkar chanve chhung hian chhiar zawh hman a nih loh pawhin darkar chanve a ral hnuah chuan EVM-a vote tla te chhiar \anin a ruala chhiar chhoh tawh mai tur a ni dawn a, Returning Officer in a \hut chilh Counting Centre ni lo, a dang zawngah chuan EVM-a vote tla te chu zing dar 8:00 a\anga chhiar nghal tur a ni tih a sawi.
ETPBS bikah hian 4687 pekchhuah ah 3119 dawn fel a ni tawh a, Postal Ballot bikah 429 pek chhuah a\angin 352 dawn a ni tawh bawk tih Chief Electoral Officer hian a sawi a, ETPBS leh Postal Ballot te hi vote chhiar \an hun tur darkar a thlen hma chuan dawn chhunzawm zel theih a la ni tih a sawi a. Venhimna khauh tak hnuaiah vote hi chhiar a ni dawn a, Counting Centre tinah hian thuah thum (3) in venghimtu dah an ni dawn a. A pawn berah Mizoram Police te an awm ang a, a thuah hnihna ah Mizoram Armed Police te awmin, a thuah thumna-ah Central Armed Police Force (CAPF) te duty tir an ni dawn tih Chief Electoral Officer hian a sawi a, Mobile Phone leh Electronic thil dang \henkhatte Counting Centre ah hian kenluh theih a ni dawn lo tih Chief Electoral Officer hian a sawi bawk.
Mamit District-ah chuan DC Complex-a Counting Hall pathumah vote tla te chhiar a ni dawn a, Kolasib-ah chuan Govt. Kolasib College New Multipurpose Hall-a Counting Hall pathumah chhiar a ni ang. Aizawl-ah chuan Assembly Annexe builing-a Counting Hall 9 leh R. Deng\huama Indoor Stadium-a Counting Hhall 4 ah te vote hi chhiar a ni dawn a, Champhai-ah chuan DC Complex-a Counting Hall 5 ah Vote hi chhiarin, Serchhip-ah chuan DC Complex-a Counting Hall 3-ah Vote chhiar a ni anga. Lunglei-ah chuan Saikuti Hall-a Counting Hall 7-ah Vote hi chhiarin, Lawng-tlai-ah chuan Govt. Lawngtlai College-a Counting Hall 3-ah leh Siaha-ah chuan DC Complex-a Counting Hall 2-ah te chhiar a ni ang.
Mizoram aiawha Lok Sabha member tur thlanna April 11-a neih ah khan Mizoram pumah vote nei mi 7,87,777 zinga 4,97,255 ten vote an thlak a, hei hi za zela 63.12 a ni.

Comments

Popular posts from this blog

PAN CARD an tih teh fo hi - Laldinpuia