Mihring tawlhruka inhnamhnawiha puh mi 23 te Nepal sawrkar hnenah hlan an ni

Mizoram Police, Social Welfare Department leh NGO pakhat, Community Health Action Network (CHAN) \angkawpte chuan mihring hmanga sumdawnna (human trafficking) nena inkaihhnawihna nei nia rin Nepali hmeichhe 23-te chu Nepal sawrkar thuneitute kutah an hlan.
Thudawn danin heng hmeichhiate hi kum tling tawh vek an ni a, \henkhat hi chu Middle East ramah te pawh lo awm tawh niin Delhi-ah hruai an nih hnuin Guwahati panpui an ni a, hemi hnu hian Aizawl-ah kalpuiin Zokhawthar a\angin Myanmar rama luh an tum a. Police leh thuneitu ten ringhlelin an man a, Social Welfare Department enkawl Home hrang hrangah dah an niin ni 7.5.2019 (Thawhlehni) zan khan venhimna hnuaiah hruaichhuah an ni a, ni 9.5.2019 (Ningani) zan khan Nepal sawrkar thuneitute hnenah hlan an ni. Nepal thuneitute hnena an hlan takte hian hnamdang \awng an thiam loh bakah pawisa pawh an nei lo nia thudawn a ni.
Mizoram Police hotute chuan tuna an thawnkir tak Nepali-te hi a huhoa lo kal ni lovin Group hrang hranga lokal an ni tih  an sawi a. He thil kaihhnawihah hian thubuai ziaklutin an chhui zui mek tih an sawi a. Human trafficking case-ah hian tunhnai deuh khan Nepali mi pakhat, Bal Bahadur chu an lo man tawh bawk. Tunhnaia eng emaw case neuh neuh a awm vang hian Mizoram Police-te chuan tunkar leh kar kalta lam khan ngawrh lehzualin ILP enfiah hna an thawk a, mi 100 chuang manin heng mite hi thawnhaw an ni.
Thudawnna tarlan danin tunhnaiah mi \henkhatin Mizoram chu mihring hmanga sumdawnna kalkawngah an hmang nasa hle a. Tunhnaia thawnkir tak Nepali-te pawh tunhma chuan Moreh (Manipur) a\angin Myanmar luhpui \hin an ni a; mahse, sawrkar a khauh hnuah tih dan dang dapin Delhi-ah an hruai phawt hnuah Mizoram panpuiin heta \ang hian Zokhawthar kaltlangin Myanmar-ah luhpui leh an ni a. Hnathawh tur \ha tak tak tawktarhin Myanmar an thlen hnu hian passport an siamsak emaw an leisak \hin a, hmun hrang hrangah hnathawk turin an thawn darh leh \hin a ni.
Vairengte Police Chekgate Duty te chuan April ni 24, 2019 khan Rohingya Muslim hmeichhia 8, document engmah nei loa Mizoram rawn lut tur an man a, Muslim hmeichhia 8 te hi Bangladesh Sabulara hmuna Kutupalong Refugee Camp-a awm an niin kum 18 leh kum 22 inkar te an ni. Heng mite pawh hi Social Welfare Department enkawl Home-ah dah niin thawnlet dan ngaihtuah mek a ni a. May 5, 2019 (Pathianni) khan YMA leh Police \angkawp chuan Aizawl Edenthar Veng-a Denghliri In-ah kumtlinglo nia hriat hmeichhe 8 leh mipa 4, Myanmar lama hruai tur an man leh a. Heng an mi mante hi Protective Home leh Children Home-ah dah lailawk an ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia