In sak sak hna zofel ta

Ningani kalta a\anga Serchhip Vengchung Branch YMA ten an huamchhunga mi pakhat chenna In an sak chu zofelin nimin khan In neitu hian a luahlut ta.
Serchhip Vengchung Branch YMA hian an huamchhunga cheng kum 82-a upa, Lalvena chenna In tur hi kar kalta Ningani a\ang khan hnatlang in an sak sak a, Lalvena hi mahni-a khawsa leh ri hriatna lama chaklo niin a In hi a chhiat tawh bakah kumin kumtir lama Thli tleh leh ruahsur a\ang khan chhe lehzual a, Inchhung pawh tawmhulna awmlo khawpin a far nasa a, hei vang hian Vengchung Branch YMA chuan In sak \hat hi relin In hi sak sak a ni.
Tarlan tawh angin he In sakna atan hian Vengchung Branch YMA chuan an huamchhung ah Vehbur khawnin Department \henkhat a\angin \anpuina an dawn bakah, mimal \hahnemngai ten In sakna bungrua an thawh bawk a, hei bakah hian Lalvena chhungte hian sum leh pai engemaw zat thawhin In neitu hian In chung tur Rangva a lo neih sa te hmanga In sak hnatlang hi neih a ni a. Kar kalta Ningani khan In hlui chu \hiatin hemi Ni vek hian a ban phun leh nghal a ni a, Zirtawpni, Inrinni leh Thawh\anni-ah te hnatlang neia In sak hna hi chhunzawm a nih hnuah nimin khan In neitu hian a In hi a luahlut ta a ni.
He In sak thar ah hian Mut Pindan leh Inthiarna te \ha taka siam a nih bakah tui khawihna tur hmun pawh \ha tak siam sak nghal vek a ni a, a Varanda-ah Tap chheh sak bawkin Electric wiring pawh \ha taka tih sak nghal vek a ni a. In hi a dung ft. 21 leh a vang ft. 15-a zau in Assam Type-a sak a ni.

Comments

Popular posts from this blog

PAN CARD an tih teh fo hi - Laldinpuia