Vaihlo dona kawnga thawk \ha te lawmpuina hlan

National Tobacco Control Programme Mizoram chuan kum 2018-19 chhunga Vaihlo leh a kaihhnawih dona kawnga thawk \ha District te hnenah nimin khan lawmpuina an hlan.
National Health Mission, Mizoram in Aril 30, 2019 a\anga State Level Meeting an neih kharna nimin a neih ah lawmpuina hi hlan a ni a, he hunah hian Dr. Jane R. Ralte, State Nodal Officer in kum 2018-19 chhung a hmalakna hrang hrang report pe in District tin te hmalak dante sawifiahna hun a hmang a. District hrang hrang in Awareness programme, Training, Anti-Tobacco Squad Drive, Meeting, Tobacco Cessation Clinic (TCC) Clients leh vaihlo sim an neih zat (Quit rate) te tehfung ah hmangin Dr. Eric. Zomawia, Mission Director, National Health Mission in lawmman hi a sem a ni.
Vaihlo leh a kaihhnawih dona kawnga hmalakna hrang hrang khaikhawmin Aizawl East District Tobacco Control Cell (DTCC) in lawmman pakhatna dawngin Champhai DTCC chu pahnihna an ni a, Aizawl West DTCC chu pathumna an ni bawk. 
He huna tarlan a nih danin National Tobacco Control Programme hmalakna hian kum 2018-19 chhung khan programme hrang hrang 1700 neih a niin vaihlo sim duh Tobacco Cessation Clinic pante zingah 22.99% in zuk leh hmuam an sim bawk a ni.

Comments

Popular posts from this blog

PAN CARD an tih teh fo hi - Laldinpuia