Mamit District hmasawnna tur sawihona nei

Nimin khan Mamit-ah Addl. DC, Jacob Lalawmpuia hovin United Nations Development Programme (UNDP) Team Gawahati leh Mamit-a Line Department hrang hrangte'n Mamit District chhunga hmasawnna hna thawhna kawnga thawhho dan tur an sawiho.

He hunah hian UNDP Team te hian Mamit District chu Aspirational District a thlan a nih angin Corporate Social Responsibility (CSR) Fund hmanga chawikanna tur kawng hrang hrang haichhuahna dan tur an sawipui a. Hmasawnna kalpuina turah hian Niti Aayog in Health, Nutrition leh Education Sector te chu a ngaihpawimawh bik thu an sawi a. Mamit District chu CSR Fund hmanga chhawmdawl turin Public Sector Undertaking ( PSU) hrang hrang zingah Airport Authority of India (AAI) leh Hindustan Petroleum Corporation Ltd ( HPCL) te kutah hlan bik an nih thu leh heng CSR Fund te hman a nih theih dan tur Project ngaihtuah leh mipuite hmasawnpui tur bik hmanga hmalak theihdan tur kawng dapa zirchianna nei turin UNDP chuan Sawrkar Official leh Company te thawhpui an nih dawn thu an tarlang bawk.