Chhingchhip khua ah Police Out-Post thar Mizoram Police DIG (NR) in a hawng

Mizoram Police DIG (NR), Lalbiakthanga Khiangte chuan nimin khan Chhingchhip-ah Police Out-Post thar a hawng a, he Out-Post thar a thawk tur hian Head Constable bakah Constable pathum (3) dah nghal niin Out-Post building thar tur sakna atan hian mi tlawmngai ten a thlawnin ram an pe tawh bawk a ni.

Chhingchhip-a Police Out-Post thar hawnna hun hi Vawiin chawhma dar 11:00 khan Chhingchhip Community Hall tual-ah neih niin a lawmna pawh Community Hall-ah hian neih zui a ni a, Mizoram Police DIG (NR), Lalbiakthanga Khiangte chuan Ribbon chep chata Out-Post thar hi hawngin Out-Post thar chu Chhingchhip khawtlang tana hmasawnna thlentu ni tura a duh thu a sawi a, a thawktute pawh mipui ten an thlamuanpui ngei theih tura awm turin a chah a. Police mi leh sa te chu khaw hrang hrang, mize hrang hrang a\anga awm tur an nih dawn avangin thawhhona \ha an neih a pawimawh dawn thu pawh sawiin, mipuite leh Police Staff te chu thawhhona \ha nei turin a chah a, Serchhip SP leh Staff te chu Police Out-Post \ha ber nei thei tura \an la tura fuihin, Police Out-Post hawn thar chu mipui tan chhenfakawm a nih theihna duhsakna a hlan bawk.
Serchhip District Addl. SP, PC. Lal\anpuia kaihhruai he hunah hian Serchhip SP, R. Sathiyasundaram IPS pawhin Mizo \awng-a thu sawiin Chhingchhip-a Police Out-Post hawn Ni chu Chhingchhip mipuite ten ni chhinchhiahtlak a nih thu a sawi a, hun rei tak a\anga mipui ten anl o besei leh neih an lo duh ve \hin, Police Out-Post thar Chhingchhip-ah a awm ta chu lawmawm a tih thu sawiin, Serchhip kal kher ngai tawh lovin, mahni awmhmun a\angin Chhingchhip khawpui leh khaw chhehvel te tan FIR thehluh theih a nih dawn tawh thu a sawi a, Chhingchhip khua leh a chhehvel, Sainik School thleng tan pawh himna a nih theih dawn thu sawiin, Police te chuan khawtlang \anpuina nen a thawhona \ha an neih a \ul thu a sawi bawk.
He hunah hian Serchhip Sub-Hqrs. YMA President, R. Sanghmingthanga pawhin Chhingchhip a Police Out-Post hawn thar a ni chu YMA pawh an lawm thu a sawi a, Chhingchhip chu khaw vanneih tak an nih thu a sawi a. Anni bakah hian Chhingchhip Joint YMA President, J. Rosiama bakah Chhingchhip Venghlun leh Chhingchhip Mualpui VCP te pawhin thu an sawi bawk.
Chhingchhip-a Police Out-Post hi VC building hawh-a hawn phawt niin a hmun nghet tur hian Biakvela leh Biakchhawna, Chhing-chhip khua ve ve te chuan an ram an pe tawh a, he Out-Post thar ah hian Head Constable, Sang-hmingliana leh Constable pathum dah nghal an ni a. Heti hian Serchhip District-ah Police Station pathum (3) bakah Out-Post leh Beat Post pakhat ve ve a awm ta a, Chhiahtlang-ah teporary in Beat Post hi dah a ni bawk a ni.

Comments

Popular posts from this blog

PAN CARD an tih teh fo hi - Laldinpuia