Thla thum chhungin TB vei nia rinhlelh mi 4115 exam-ah TB vei mi 757 hmuhchhuah an ni

 Kumin January-March thla chhung khan Mizoram-ah TB vei nia rinhlelh mi 4115 te exam niin heng a\ang hian mi 757 te chu TB vei an ni tih hmuhchhuah an ni. Heng TB vei hmuhchhuah zinga 45 te hi Naupang niin TB vei enkawl a\anga tihdam zat chu 92% a ni.

Nimin khan Chaltlang Tourist Lodge-a Banquet Hall-ah kumin January-March thla chhunga Mizoram-a TB dona leh enkawlna programme, RNTCP hnathawh dan thlirletna, RNTCP 1st Quarter 2019 Review Meeting chu neih a ni a, he huna tarlan a nih danin kumin January-March thla chhung khan Mizoram-ah TB vei nia rinhlelh mi 4115 enfiah niin heng zinga mi 757 te chu TB vei an ni tih hmuhchhuah niin heng zinga 45 te chu naupang an ni a, Private a\anga TB vei hmuhchhuah 14 an awm bawk. TB vei hmuhchhuah zingah hian TB dam har chi, MDR-TB nia rinhlelh mi 1685 exam ah mi 21 te chuan MDR-TB an vei tih hmuhchhuah an ni a, heng zinga zaa 78 chu enkawl dam an ni bawk. TB leh HIV vei kawp rinhlelh mi 659 exam ah mi 123 chu TB leh HIV vei kawp an ni tih hmuhchhuah niin hei hi TB vei zawng zawng a\anga chhutin 18% an ni a. Nikum 2018 chhung khan TB vei mi 2499 hmuhchhuah an lo ni tawh bawk a ni. 

TB vei hmuhchhuah mi 757 zinga 6 hi Department a thawktu ten TB hmuchhuak tura feh chhuah runpui, Active Case Finding an neih a\anga hmuhchhuah a ni a. Active Case Finding-ah hian mi 7847 endik niin mi 285 te exam an ni a, heta \ang hian TB vei mi 6 hmuhchhuah an ni bawk a ni. Active Case Finding-ah hian TB Prog-ramme lama thawkte kalchhuakin mihring awmkhawm tamna hmun Jail, Home hrang hrang, TB case tamna etc. te tlawhin endik \hin an ni a. Nikum chhung khan Active Case Finding bikah hian mi 4000 chuang endik niin mi 400 vel exam ah TB vei 28 hmuhchhuah an lo ni tawh a ni.

TB vei te tan Prime Minister Flagship Prog-ramme Nikshay Poshan Yojana hnuaiah TB damlo te tana ham\hatna (Nutritional Support) pek an ni a. He scheme hnuaiah hian TB damlo enkawl zawng zawngte chu an inenkawl chhung zawng thlatin an Bank Account kaltlangin Rs. 500/- pek zel \hin an ni bawk.