HSLC Exam result chhuakah 67.93% in pass; nikum aiin pass percentage a chhe zawk

Mizoram Board of School Education (MBSE) chuan kumin a High School Leaving Certificate (HSLC) Exam result chu nimin khan a tichhuak a, kumin hian zirlai Exam zawng zawng a\angin zaa 67.93 pass in kum hmasa aiin pass percentage hi 8.72% in a hniam zawk a ni.

Mizoram Board of School Education hian nimin khan kumin a pawl 10, HSLC Exam result hi Aizawl-a an Office-ah tarchhuakin kumdang ang bawkin Exam beitu zingah mipa aiin hmeichhia an tam zawk a, mipa 8,712 leh hmeichhia 9277 in exam hi beiin Exam laia hnawhchhuah leh Exam hmachhawn kim lo an awm bawk a, a tawp thlenga Exam beitu hi zirlai 17,346 niin heng zinga 17,046 hi Regular Candidate leh 300 hi Private Candidate an ni thung. Tun \uma Zirlai Exam zawng zawng a\ang hian zirlai 11,783 ten pass in hei hi 67.93% a ni a, Distinction-ah mi 1177 an pass a, First Division-ah mi 3280, Second Division-ah 4051 leh Third Division-ah 3275 pass in Compartmental chance nei zirlai 469 an awm a, zirlai hlawhtling zo ta lo 5094 awmmin Mizoram-a School hrang hrang zingah zirlai Pass vek School 72 an awm laiin failed vek School 24 an awm bawk.
Kumin a HSLC Exam result chhuak ah hian Lalrinnungi d/o Zothantluanga St. Joseph Higher Secondary School, Aizawl chuan mark 500-ah 486 hmuin pakhatna an ni a. Kum hmasaa HSLC pakhatna aiin kumin a pakhatna hian mark 9 in a hmu sang zawk a. Angeline Lalpekhlui d/o Rohmingliana, St. Paul's H/S chuan mark 483 hmuin pahnihna a ni a, F. Remsangpuia s/o F. Remnalalnghaka, St. Paul's H/S chuan mark 476 hmuin pathumna a ni bawk a, F. Remsangpuia hi Serchhip IOC Veng mi niin Top-10 tarchhuah ah hian zirlai 20 an lang a ni a. Heng te hi Aizawl District a\angin mi 13, Lunglei District a\angin mi 3, Champhai District a\angin mi 2 leh Kolasib leh Siaha District a\angin mi 2 ve ve an ni.
District Wise in Regular-ah Aizawl District a\ang Regular-ah zirlai 83.03% leh Private in 42.28% in an pass a, Champhai District-ah Regular 77.48% leh Private 61.9%, Kolasib District-ah Regular 68.99% leh Private 90.91%, Lawngtlai District-ah Regular 58.15% leh Private 43.75% Lunglei District-ah Regular 69.72% leh Private 70%, Mamit District-ah Regular 66.44% leh Private 60%, Siaha District-ah Regular 86% leh Private 66.67% leh Serchhip District-ah Regular 85.42% leh Private 50% in an pass a ni.
School Management wise-in Deficit School a\anga zirlai hlawhtling an tam ber a, Govt. Schools a\anga exam beisei 60.97% te an hlawh-tling laiin Deficit Schools a\angin zirlai 91.42% in an pass thung a, Aided Schools a\angin zirlai 63.90% ten an pass laiin, Lumpsum School a\angin 59.06% leh Private Schools a\angin 72.33% in an pass a, School-a kal lo, Private Candidate 32.00% in an pass bawk a ni.
HSLC Exam-ah hian kum 2013 a\ang khan kumtin zirlai pass percentage hi sang chho zel mah se kumin hian nasa takin a tlahniam thung a, kum 2012-ah pass percentage 72.27 a\angin 2013 ah hian 58.63%-ah a tlahniam a, 2014-ah 67.51%-ah sang hretin kum 2015-ah 68.30%-ah a sang leh a, kum 2016-ah 71.17%-ah sang chho lehin 2017-ah 72.17% ah a kai leh a, nikum (2018)-ah 76.65%-ah kai leh mah se kumin ah erawh chuan 67.93%-ah a tlathla leh thung a. Kum hmasa ai hian 8.72% in pass percentage hi a hniam zawk a ni.
Kumin HSLC Exam result chhuaka  Subject bat nei, Compartmental chance la nei zirlai 469 te tana exam hun tur hi MBSE chuan a ruahman fel nghal a, exam beitu turte chuan May 17, 2019 thleng passport size copy 2 leh Exam Fee nen Centre Superintendent hnenah dilna a thehluh theih a, June 6, 2019-ah Mizoram-a Centre 8 ruahman fel sa ah te Exam hi neih tur niin Centre zingah hian Govt. High School, Serchhip pawh a tel a ni.

Comments

Popular posts from this blog

PAN CARD an tih teh fo hi - Laldinpuia