Inthlan ah Mizoram entawntlak a nih thu sawi

Mizoram Chief Electoral Officer, Ashish Kundra chuan inthlanpui ah Mizoram chu rampum huap, a bikin North East State zingah entawn tlak a nih thu a sawi.
Lok Sabha inthlanpui leh Aizawl West-I biala MLA bye-election neih zawh taka vote chhiar dan tur zirhona nimin a Aizawl a neih a hmanpuina ah he thu hi sawiin CEO chuan Lok Sabha inthlan leh Aizawl West-I Bye-election atana vote thlakna boruak muanawm tak karah Mizoram in a nei thei chu lawmawm a tih thu a sawi a. Mizoram chu vote thlak ni-a vote thlak nawn (re-poll) awm ngaih lohna hmun a nih avang leh EVM-VVPAT chhia tlemna State a nih avangte in rampum, huap a bikin North East State zingah entawn tlak a nih thu a sawi a, hei vang hian vote chhiarna ah pawh tihsual awm lo tura inpuahchah turin District tina Election lam hotute chu a chah a. Tun thla ni 17-ah chuan vote chhiarna hmun tur Counting Hall te peih fel a, endik theih tura hma la turin a chah bawk.
Lok Sabha inthlanpui leh Aizawl West-I Bye-Election atana vote tla te hi tun thla ni 23 khian zing dar 8:00 a\angin District hrang hrang a Counting Hall 40-ah chhiar a ni anga. Election Commission of India chuan April 30, 2019 khan Mizoram bika vote chhiarna Returning Officer pui turin Counting Assistant Returning Officer 30 a rawn ruat thar bawk a.  Kumin Lok Sabha inthlan a vote tla chhiarna ah hian a vawikhatna atan Supreme Court thutlukna angin Assembly Constituency tina VVPAT 5 te chu chhiar an ni dawn a, heng VVAT 5 te hi a hmunah pawh chawp (Draw of Lots) tur a ni ang.
Election Commission of India in ruahmanna a siam anga he training neih ah hian vote chhiar chungchanga Danin a phut leh huam te, EVM chhiar dan leh inthlan result-a report kimchang pek dan te, Counting Hall/Centre inpuahchahna,VVPAT chhiar dan leh Suvidha Counting Application leh IT hman dan ECI in a duan te zirho a ni a. He hunah hian Returning Officer, Assistant Returning Officer, Election Officer leh District Level Master Trainer te an tel a ni.

Comments

Popular posts from this blog

PAN CARD an tih teh fo hi - Laldinpuia