Vawk tawlhtute thubuai siam

Serchhip Police te leh Serchhip-a AH & Vety Department ten Ningani kalta tlaia Kei\um leh Khawlailun inkara Vawk an man neitute chu Serchhip Police ten thubuai an siam sak.
Serchhip District Magistrate thupek bawhchhiat avanga man Vawk puitling 25 leh a note 76 tawlhtu mi pathum leh a phurhna atana hman lirthei leh a khalhtute hi Police te chuan hrengin thubuai siam sak an nih hnuah Inrinni khan Serchhip District Court-ah hruai an ni a, Police te hian a \ul anga hmalak chhoh a nih tur thu an sawi bawk.
Heng Vawk an man te hi Zirtawpni tlai khan Serchhip Zawlpui panna kawnga ran talhna hmunah dahluh niin a \ul anga buaipui zui nghal a ni a,Vawk \henkhat hi an chauh deuh avangin hriat theih chinah a note 2 chu a thi tawh a, Serchhip-a AH & Vety Department-a thawk te chuan heng Vawk zawng zawng hi an thisen sample lain Aizawl lam a\angin Dr. F. Lal\anpuia, Dy. Director leh Dr. C. Neihthangpuii, Disease Investigation (Laboratory) leh an thawhpui te chu Laboratory hmanrua te nen rawn thawkin Inrinni khan Ser-chhip DVO Office-ah Vawk thisen te hi enfiah zui nghal a ni a, Vawiin lam hian result pawh a hriat theih an beisei thu Serchhip-a AH&Vety Department hotute chuan an sawi.

Comments

Popular posts from this blog

PAN CARD an tih teh fo hi - Laldinpuia