MSTA Sub-Hqrs. Serchhip Conference neih a ni

Mizoram Middle School Teachers’ Association (MSTA) Sub-Hqrs. Serchhip chuan nimin khan Annual Conference vawi 22-na hmangin thupui atan ‘Zirna tih hmasawn’ tih chu hman a ni a, he hun hi Serchhip SDEO, Vanlalchhana chuan khuallian niin a hmanpui a ni.
MSTA Sub-Hqrs. Annual Conference Serchhip Hmar Veng YMA Hall-a neih hi an President, H. Ronghaka chuan kaihruaiin khuallian nia he hun hmanpuitu Serchhip SDEO, Vanlalchhana chuan Zirtirtu hna chu inpekna nasa lehzual nena thawh a \ul thu leh HSLC Exam result chhuakah pawh Middle School-a an zirlai \hin te result chu an result ala ni zel tih hre turin he huna tel Zirtirtute chu a chah a. Mizote chuan mahni pianpui \awng kan ngaihsan a \ul thu pawh sawiin, kan \awng a ral chuan kan Hnam pawh a ral dawn thu a sawi a, hei vang hian an zirlai naupang te hnenah pawh mahni \awng ngaisang tura zirtir uar turin a chah a. Mahni \awng te kan zaha kan ngaihhlut a \ul thu a sawi bawk.
Nimin a MSTA Sub-Hqrs. Conference hi MSTA General Hqrs. President, Rosangliana Ralte pawhin rawn hmanpuiin he Conference thupui, ‘Zirna tih hmasawn’ tih hmangin an pawl Sr. Vice President, T. Zapuithanga chuan thu an sawi a, he hunah hian an member pension-a chhuak mi 2 te thlahna hun hman a ni bawk. He Conference-ah hian chawhnu lamah rorelna neih a ni a, an Service atana thil pawi-mawh chi hrang hrang leh an pawl hmasalkna tur hrang hrangte relin, Hindi Teachers neilo School ten an neih theihna tura hmalak rawtna te pawh an thurel zingah hian a rel bawk.

Comments

Popular posts from this blog

PAN CARD an tih teh fo hi - Laldinpuia