PRISM Party an hmasawnna ah an lawm

PRISM Party chuan mipui zara an Party chuan nasa taka hma an sawn thu sawiin, MLA Inthlana an vote hmuh let sawm aia tam MP Inthlana vote an hmu tih an tarlang.

Nimin-a Lok Sabha MP Inthlan result puan hnuah PRISM Party hian an President, Vanlalruata kaihhruaiin Aizawl-a an Office-ah Inkhawm neih a ni a. He hunah hianan President, Vanlalruata chuan Party hmasawn dan lawmawm a tih thu leh PRISM Party in hmabak eng tak a neih dan te sawiin, “Kan Ram siam\ha tur leh kan Hnam tungding turin PRISM Party bak a awm lo tih mipuiin an pawm chho zel a. 'A \hat chu an \ha ber a, mahse an la te a ni' an tih \hin hi Inthlan lehah a awm tawh loh nan kan kalphung siam\hain Party lianah kan insiam chho thuai ang a. Inthlan leh hunah chuan kan Ram leh Hnam tan kan dingchhuak tawh ang,” a ti.

He hunah hian PRISM Party MP Candidate TBC Lalven-chhunga chuan amah vote tu te chungah lawmthu sawiin, mi tam takin kalphung pangngaiin Ruling candidate leh tling tura an rin an vote thu leh chutihlaia a tlin ring miah chuang lova amah vote tu, danglam ngam heti zat an awm chu lawmawm a tih thu a sawi a. “A tling ta MNF candidate hian manifesto a neih loh thu a sawi a, Congress – ZPM candidate leh party mi ten Election hun chhung reilote ah an auhla an thlak daih a. Keini chiah manifesto awmze nei aupui kan awm kha a pawi ka ti a. Inthlan leh hunah chuan Manifesto \ha leh awmze nei nei ngei turin party dang ka duh a ni,” a ti bawk.