School endik \hin chu tharthawh tum a ni

School Education Minister, Lalchhandama Ralte chuan School endik neih mumal lohna a rei tawh tih sawiin, thar thawh tum a nih thu leh hemi atan hian lirtheite pawh lei a nih thu a sawi.
Samagra Shiksha buatsaih UDISE plus Training nimin-a Aizawl Chanmari YMA Hall-a neih a hmanpuina ah he thu hi sawiin School Education Minister chuan Officer ten Inspection leh Monitoring an thawh mai bakah Third Party te pawh neih a \ul thu a sawi a. School Education Department chu a del dul rei deuh tawh a, thawktu tam tak chu an inthlahdah nasa a, aikal la pawh an tam hle a, zirtirtu ni si sumdawng ta lawp lawp te pawh an awm tia sawi an kai fo thu sawiin, RTE-in a phut angin kil tinah zirtirtu indah ni mahse \henkhatin hlawh tlem zawkin qualified lo aikal an la a, zirna \hat ngaihna a awm lo tih a sawi a, thawk tak tak lova awm mai mai te chu insiam\ha turin a chah a. A \ul chuan thawk \ha duhlo te chungah talhfiak pawh lek a ni ang, a ti bawk.
UDISE plus hi Unified District Information on School Education tihna niin he rua-hmanna hnuaiah hian CRCC te chuan an huam-chhunga zirna In hrang hrangte zirchianna neiin School hrang hrang, pawl 1 a\anga 12 te Data lakhawm a ni anga, Data hi thla thar June thla chhunga lakkhawm tur a ni. Sawrkar chuan School Education Department hnuaia awm SSA leh RMSA ten data chi hrang hrang an nei chu \ha ti lovin School Education Department leh a hnuaia awm, SSA leh RMSA ten UDISE data pakhat chauh hi an hmang tawh dawn a ni.

Comments

Popular posts from this blog

PAN CARD an tih teh fo hi - Laldinpuia