Saihapui ‘K’ ah In 1 chhia

Nizan hmasa zanlai dar 12:00 vel khan Ko-lasib District-a Saihapui ‘K’-ah leimin in Saihapui ‘K’ VCP, Benjamina In chu a hnawl a, chhung-kaw pa, Benjamina leh a nupui, Tei ten hliam na tak tuarin an fanu, Mary Lalhmangaihzuali (8) chu a boral.
Thudawn danin Saihapui ‘K’ VCP, Benjamin-a te In hi a ban RCC leh a dang thing hmanga sak niin Kolasib a\anga Bairabi panna, National Highway kawngpui an-a awm a ni a. Nizan hmasa zanlai velah khan an kawt kawngpui chhak lama leimin nasa tak rawn tawlh thla chuan Benjamina te In hi a hnawl a ni.
    He vanduaina a thlen thu hriat a nih veleh \henawm khawveng ten chhanchhuah leh chhawmdawl hna an thawk nghal a, In neitu Benjamina hi a ngal ruh tliakin zing dar 1:30 vel khan Kolasib damdawi In thlenpui a ni a, a nupui Tei pawh hi a ban ruh a tliah bakah a Lu-ah hliam na tak tuarin zing dar 2:00 velah Kolasib damdawi In thlenpui a ni bawk a, an fanu Mary Lalhmangaihzuali hi hmuh hnuhnun ber niin zing dar 3:00 velah Kolasib damdawi In thlenpui a ni a, amaherawh chu nikhaw hrelo-a a awm chu harhchhuak tawh lovin a boral zui a, an In a chhiat bawk si avangin a ruang hi Kolasib-a a pi leh pu te hnenah lak niin nimin khan vuiliam nghal a ni.

Comments

Popular posts from this blog

PAN CARD an tih teh fo hi - Laldinpuia