MPCC in lungchhiatthlak ti

Mizoram Pradesh Congress Committee (MP-CC) chuan sawrkar in Zirtirtu 946 lak a tum dan chu lungchhiatthlak an tih thu an sawi.

Nimin a thuchhuah an siamah MPCC Communication Department chuan April 22, 2019 a Council of Ministers \hukhawm chuan MR basis-in Primary sikul zirtirtu post 882 leh Middle sikul zirtirtu post 64 lak a remti tih tarlangin, Mizo \halai, lehkhathiam hna neilo leh zirtirtu nih tuma \halai inbuatsaihte tan thu lawmawm tak ni mahse sawrkar in heng zirtirtu 946 lak a tum dan erawh a lungchhiatthlak hle thung tih an tarlang a. May 2, 2019-a Deptt. of Personnel & Administrative Reforms lehkha [No. A.12031/8(1)/2017-P&AR(GSW)] tarlan danin heng Zirtirtu lakna turah hian Mizoram sawrkar dan dinglai pathum lai mai a kawihkul a ngai dawn tih tarlangin, heti chunga School Education Department Minister, Lalchhandama Ralte-in dan dik thlapin zirtirtu an la dawn tih ala sawi chu Dan zahlohna naran pawh ni lovin, Dan pawngsualna ah an ngai tih an tarlang.

MPCC Communication Department thu-chhuah chuan heng Zirtirtu lakna turah hian an duh thala an chet theihna tur leh an mi duh ang zirtirtu 946 a lak theihna tur hian Mizoram School Education (Group B posts) Recruitment Rules 2015, Column 8(1) of Annexure-1, zirtirtu hna dilte’n MTET neih ngai tia a tarlan chu an kuaikul dawn tih tarlangin, “Zirtirtu hna dilte’n Computer thiamna an nei tur a ni tih pawh kawihkul a ni leh ang a, MPSC kaltlang kher lova heng zirtirtu 946 lak theihna turin dan an her kawi dawn bawk,” tih an tarlang a. Hetianga Dan an suasam hi April 22, 2019-a Council of Ministers \hukhawm chuan a pawmpui tawh tih pawh tarlangin, “Zirna ngai pawi-mawh inti chunga Mizoram sawrkar dan awmlai kuaikula MNF kaihhruai sawrkarin zirtirtu 946 zet mai lak tum hi thil inhmeh lo lutuk, Education System pawngsualna dik tak a ni,” an ti bawk.