VC inthlanna nei dawn

Lai Autonomous District Council (LADC) huamchhunga Village Council 95-a inthlanpui chu Vawiin hian neih a ni dawn a, he inthlanna neih tur atan hian inbuatsaihna engkim peihfel a ni tawh.

LADC hnuaia VC 95-ah hian VC Seat 469 awmin heng zinga 95 chu Hmeichhia te tana hauh bik a ni a, a bak 374 te chu a duh apiang ten an chuh theih tur a ni. He inthlanna neih tur hi MNF Party chuan khaw tina VC thlanna chuh kumin Candidate 457 an nei a, Indian National Congress (INC) ten khaw nga (5) ah Candidate siam lovin Candidate 422 an nei a, a bakah hian Independent Candidate te an pui dawn a. BJP chuan khaw 8-ah Candidate siamin Candidate 16 an nei bawk a. Heng bakah hian khaw hrang hrangah Independent Candidate 252 awm bawk a ni.

LADC-a VC inthlanpui neih a nih rual hian Chakma Autonomous District Council huam-chhunga khaw 6-ah VC bye-election neih a ni dawn bawk a, BJP chuan Candidate 10 siamin, MNF in Candidate 12 an nei a, Independent Candidate pakhat awmin Congress chuan Candidate an nei lo thung a ni.