Lal Thanhawla HSS hming thlak a ni dawn

Lal Thanhawla Higher Secondary School Managing Board nimin a \hukhawm chuan he School hming hi 'Brilliant Higher Secondary School' tia thlak an rel.
Nimin a Lal Thanhawla Higher Secondary School Managing Board \hutkhawm an School hmuna neih hi School Managing Board Chairman, T. Zadingliana chuan kaihruaiin he School in hma a sawn theihna tura hmalak dan tur hrang hrangte thlirin, he School hming hi 'Brilliant Higher Secondary School' tia thlak nise an ti a. School hming thlak rual hian School Education Department-a registration leh lehkha pawimawh bakah LSC-a hming thlak tura hmalak zui nghal nise an ti a. Hei bakah hian School hmunhma leh building te tih changtlunna atan MLA leh MP Fund te dil nise an ti a, School building sak \hat a nih theih nan Private company te dawr nise an ti bawk. Lal Thanhawla Higher Secondary School, Serchhip-ah hian tun dinhmun ah pawl 11 leh 12 zirna hawn niin pawl 11-ah zirlai 49 awmin pawl 12-ah zirlai 94 an awm a, thawktu mi 22 awmin tunah hian pawl 11 zir tur tan Admission hawn leh mek a ni bawk.

Comments

Popular posts from this blog

PAN CARD an tih teh fo hi - Laldinpuia