MZI Charity Concert nei

Mizo Zaimi Inzawmkhawm (MZI) Hqrs. Serchhip chuan Inrinni khan Serchhip-ah Charity Concert an buatsaih a. He Charity Concert hi tunhnaia Serchhip Zozam Veng-a kangmei tuar te \anpuina tura ruahman niin he hun hi an President, Lalengliana Ralte chuan a kaihruaiin hetiang hun an buatsaih chhan leh an hma lo lak tawh dan te a sawi bawk. 

He Charity Concert-ah hian Serchhip-a zaithiam hrang hrangte chuan mipuite zaiin an awi a, heta an sum hmuh zawng zawng hi te tun thla ni 8 zana Serchhip Zozam Veng-a kangmei tuar te hnenah hlan niin nimin tlai khan sum leh pai hlan ngal a ni a, kangmei avanga bungrua zawng zawng chantu, PC. Lalromawia te hnenah Rs. 12,676/- hlanin kangmei \helhna a hliam tuar Lalpekhlua leh Lalchhuanmawia Ralte te hnenah Rs. 1000/- ve ve hlanin Aizawl-a reffer tak, Hun-tharmawia chu Rs. 2000/- hlan a ni bawk. MZI Hqrs. Serchhip chuan sum leh pai thawhtu te chungah lawmthu sawiin, he an Concert avanga harsatna tawk te chungah thupha an chawi bawk.