Politics hi thil chhia sawina a ni lo - Tetea Hmar

Lok Sabha inthlanpui neih zawh taka ZPM leh Congress Party in an thlawp MP Candidate, Lalnghinglova Hmar chuan, “Politics kan sawi hian thil chhia sawina a ni lo a, thil \ha sawina tur a ni,” a ti.
Nimin-a Aizawl ZPM Office-a Chhung Inkhawm ah MP Candidate, Lalnghinglova Hmar hian thu sawiin MP inthlanpui thlirletna neih a ni a, he hunah hian Lalnghinglova Hmar chuan Social Media kan hman dan chungchangah zirtur kan nei nia a hriat thu a sawi a, “Social Media kan hmang nasa hle a, thu kan inchuh leh kan inbeihna han enlet hian a lehlam leh lamin zir tur kan nei. Kan inbeihna Level hi tihsan deuh \ul niin ka hria,” a ti a. Politician-te chu bawm khata khung a, a chhia zawng zawng burbunna bawm a ni lo tih hi \hangtharte hian an hriat thar a ngai tih sawiin, “Politician-te hi eiru, ram hmangaih lo tiin, a chhe zawng hlirin kan hmu a. Hei hi a ni vek lo a ni tih hi ka hmuh dan chu a ni. An thawhrim zia te, an dawhtheih zia te, an beih hram hramna te hi an fakawm a, politics kan sawi hian thil chhia sawina a ni lo a, thil \ha sawina tur a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia