Road Safety Week sawiho

Serchhip District Road Safety Committee chu nimin khan Serchhip-ah \hukhawmin tun thla ni 27 a\anga Road Safety Week vawi 30-na hman dan tur an sawiho.

Serchhip DC Office Chamber-a Serchhip District Road Safety Committee \hutkhawm hi an Chairman, Serchhip DC, Sangchhin Chinzah chuan kaihruaiin Mizoram Road Safety Council in kumina Road Safety Week hman hun atan May 27 a\anga June 2 chhung a ruat thu te, tun \um hi Road Safety Week vawi 30-na tur a nih thu leh kumin thupui atan ‘Lamlian-a himna hi Nun himna a ni’ tih chu thlan a nih thu a sawi a. Road Safety Week hlawhtling tak Serchhip District a hman a nih theih nana ruahmanna \ha tak siam a \ul thu a sawi bawk.

He hunah hian Serchhip District Road Safety Committee-a Member Secretary, B. Lalrin-sanga, DTO Serchhip chuan Mizoram Road Safety Council rorel leh kum hmasa lama he Hapta lo hman tawh \hin dan te a sawi a. He \hutkhawm a tel te hian he Hapta hawnna hi May 27 khian Serchhip DC’s Conference Hall-ah neih nise tiin June 3-ah a kharna hun pawh a hmun ngaiah buatsaih leh nise an ti a. Week hman chhungin lirthei khalhtuten dan an zawm \ha em tih uar taka endik nise, document fello leh kum tlinglo-a lirthei khalh chingte phei chu en uluk lehzual ni se an ti a. Pathianni-ah lirthei khalh inthlahdah an tam deuh nia sawi a awm avanga Serchhip Police ten Pathianni vawi hnih uluk taka lirthei an lo endik tawh chu lawmawm an tih thu sawiin, chhunzawm zel ni se an ti bawk. Hei bakah hian Week hman chhung hian lirthei khalha eizawngte tan training buatsaih leh tura ruahman niin ZDU nena \angkawpin Driver \ha thlanna pawh buatsaih leh tur a ni ang.