Larsap in lehlangin Cham-phai District a tlawh

Mizoram Larsap, Prof. Jagdish Mukhi chuan nimin khan lehlangin Champhai leh Myanmar ramri a tlawh a, sawrkar hmalakna te a enfiah bakah Sawrkar Department hotute a kawm bawk.

Larsap hi Champhai Helipad-ah sawrkar hotu lu ten lo dawngsawngin ram pahnih insumdawn tawnna hmuna ramri Lei a tlawh bakah ramri venhim hna thawktu, 10th Assam Rifles Major Sunil Patel chuan Zokhawthar-a AR Sipai hmunah an hmalak dan tlangpui alo hrilh bawk a. Larsap chuan sipaite \hahnemngaihna avangin ramri a mipuite thlamuang takin an awm theih phah tih sawiin, tunlai khawvel, Media chak takah hian engkim chawpchilh a hriat nghal zel theih a nih avang hian Sipaiten dan ang taka chet la \hin turin a fuih bawk.

Larsap Prof. Jagdish Mukhi chuan sawrkar laipui Flagship programme hnuaia ham\hatna dawngtu chhungkua te pawh tlawhin, thingtlang kilkhawr berah pawh tih hlawhtlin a ni chu lawm-awm a tih thu a sawi a, a mit ngei a RGGVY, Swachh Bharat Mission leh PMUY ham\hatna dawngtu chhungkua a hmuh chu lawmawm a tih thu a sawi bawk.

Larsap hian chawhnu lamah Sawrkar Department hotute chu Champhai Circuit House-ah kawmin thu a sawina ah inbiakpawhna leh inkalpawhna piah lamah ramri dep hmuna chengte kawng hrang hrang ah an la hnufual hle tih sawiin, nasa taka \an lak a \ul a ni, a ti. Indo-Myanmar Border Trade Point chungchang tarlangin Larsap chuan zalen taka insumdawn tawn leh intlawh-pawh tawn theih a nih rualin, dan in a phal loh (illegal goods) hmanga sumdawnna kalpui a thiang lova; engkim dan ang taka kalpui a \ul thu leh India danpuiin khua leh tui nihna neih kawp a phallo angin helai hmunah pawh hian Dual Citizenship neih theih a nih loh thu a sawi bawk.