Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Bru laklet dan tur sawihona Mamit-ah neih a ni

Tripura Transit Camp paruk (6)-a Reang(Bru) awmte lalet turin inbuatsaihna kalpui mek zel a ni a, Bru lalet tura thil \ul hrang hrang leh inbuatsaih dan tur sawihona pawh Kolasib-a neih a nih hnuah nimin khan Mamit-ah neih leh a ni.
Nimin a Mamit DC’s Conference Hall-a Bru laklet tan tur chungchang sawihona hun hun Mamit DC, Dr. Lalzorama chuan kaihruaiin Mizoram Sawrkar issue lian tak anih angin Reang (Bru) laklet hna kalpui leh tura ruahmanna siam a nih thu sawiin, Mamit District chu laklet tur chhungkaw ngah ber an nih avangin a bupui ber an ni dawn tih a sawi a. Sawrkar Officials hrang hrangte pawhin an mawhphurhna \heuhte uluk leh \hahnem ngai taka an hlenchhuah a \ul dawn thu sawiin, Mamit District chhunga Village Council hrang hrangte leh tlawmngai pawlte hemi atana thawhpuiah a sawm bawk.
He Meeting hi Mizoram sawrkar-a Addl. Home Secretary, Lalbiaksangi pawhin hmanpuiin nikum lama Sawrkar leh All NGO te'n inremna thu an lo neih tawh angin Tripura Transit Camp-a Reang (Bru) awmte chu kumin October thla a\ang hian laklet hna thawh tum a nih thu a sawi a. Boruak muanawm tak hnuaiah a let tur dik takte laklet an nih theih nana tihtur \ul hrang hrangte leh Department hrang hrang te'n an mawhphurhna leh senso ngai tur zatte sawikhawma ruahmanna siam chu an inkohkhawm chhan a nih thu a sawi bawk.
He Meeting-ah hian laklet hnathawhna tura Identification kalpui tawh a\angin ruahmanna hrang hrangte thlirho a ni a, Mizoram Sawrkar in Reang (Bru) laklet hna a thawh \antirh a\anga Mizoram khua leh tui dik tak rawn lette hnenah Central Sawrkarin \anpuina, Financial Assistance a pek chu chhungkaw pakhat In sa lo tih loh te pek kim vek an nih tawh thu tarlan a ni a, lakletna hna kalpui lehna turah hian Mamit District chhunga rawn let tur hi chhungkaw 4185 an awm mek a ni.
Bru laklet hna thawh vawi 8-na neih tura senso ngai zat, leklet hna kalpui tura mihring mamawh zat leh \ul hrang hrangte chu he hunah hian chhawpchhuah niin thlirho zui a ni a. Mizoram khua leh tui dik tak rawn let turte awmna tur atana ruahman Mamit District chhung khaw 40-a khawtlang hruaitute nen June thla chhung ngei hian an hmunhma chungchang sawiin, DC hova meeting neih nise tih a ni a. Heng hmunhma te hi anmahni bialtu \heuh AO, Forest, Revenue, NGO-te nen a hmunah enfiah nise tih a ni bawk.

Comments

Popular News (Last 30 Days)