Vote chhiar Ni atan training neih chhunzawm a ni

Lok Sabha inthlanpui a Vote tla te chhiar tura inbuatsaihna kal mekah nimin khan Counting Official nilo, Vote chhiar Ni-a duty turte tan Training Serchhip-ah neih a ni.

Lok Sabha inthlanpuia Vote tla te tun thla ni 23-a chhiar tura inbuat-saihna kal mekah nimin khan Serchhip DC Conference Hall-ah Counting Official ni lo, inthlan Ni-a Vote chhiarna tura mawhphurhna nei te tana Training hi neih a ni a. Heng mawhphurhna nei te hi Strong Room a\anga EVM leh VVPAT lachhuaka Counting Table-a dah tur te leh Vote chhiar zawh tawh hnua EVM te lakhawma Seal vek a nih hnua Strong Room thlenga a dahfelna a mawhphurhna nei turte an ni.

Hetianga mawhphurhna nei tur hian Assembly bial tinah Team pahnih zel siam niin Counting Hall-I ah mi 10, Counting Hall-II ah mi 12 leh Counting Hall-III ah mi 11 ruatchhuah niin Team tinah hian Officer-in-Charge dah vek an ni a, heng mite tana Training nimin a neih hi Serchhip SDO (Sadar), R. Vanrengpuia chuan hmanpuiin heng mi ruatchhuah te hnathawh tur hrang hrang a hrilhfiah a. Inthlanna atana an hnathawh te reng reng chu a pawimawh tih hriaa fimkhur tak leh dik taka hna thawh tum turin a chah bawk.